Daniel 8:21 - Maung A Balita Biblia

²¹ Samay kanding et say nanarian na Grecia, tan samay maparparontal a saklur ed nanleetay mata to et say ononan ari.

Maung a Balita Biblia

²¹ Samay kanding et say nanarian na Grecia, tan samay maparparontal a saklur ed nanleetay mata to et say ononan ari.

Daniel 8:21 Referans Kwoze

Daniel 11:3

“Insan onletaw so makapanyarin ari. Manoley ed balbaleg ya impirio tan gawaen to so antokaman a labay to.

Daniel 10:20

Inkuanto, “Amtam so makasengeg na inyakaran kod sika? Linma ak dia, ta ipaamtak ed sika so nisulat ed Libro na Katwaan. Ompawil ak la natan, ta milaban ak ed anghil a bantay na Persia. Kayari to ya ompanengneng so anghil a bantay na Grecia. Anggapoy arum ya ontulong ed siak likud ed kinen Miguel ya anghil a bantay na Israel.

Daniel 8:20

“Samay anengneng mon karniron kalakyan a duaray saklur to et say nanarian na Media tan Persia.

Daniel 8:22

Saramay apatiran saklur a tinmubo nen apoter imay ononan saklur et saray apatiran nanarian a pakaapagan na samay bansa tan aliwan singa biskeg na samay inmonan nanarian so biskeg da.

Daniel 11:2

Katwaan ira yay salitaen kod sika natan.” Samay anghil inkuanto, “Talora nin ari so manoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Daniel 2:39

No anggapo ka la onsalat so sananey ya impirio, balet aliwan singa kabaleg tan katalonggaring na impiriom. Kayari to ya, onsalat so kumatlon impirio na gansa a sikatoy manoley ed intiron mundo.

Daniel 7:6

Nen ombabantay ak, sakey lamet ya ayep so pinmaway. Singa liopardo so nengneng to, balet walay apatiran payak ed beneg to a singa ra payak na manok, tan apatiray olo to. Niiter ed sikato so pakaoley.

Zacarias 9:13

Ikanak so Juda a singa bekang a panay sondalo tan say Israel a singa pana. Ikanak a singa ispada iray totoo ed Sion, diad pibakal ed saray totood Grecia.”