Daniel 8:2 - Maung A Balita Biblia

² Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,

Maung a Balita Biblia

² Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,

Daniel 8:2 Referans Kwoze

Ester 1:2

Diad Susa a manonan siudad na Persia so kawalaay trono to.

Nehemias 1:1

Sikato yay istoria na agawaan nen Nehemias a lakin anak nen Hacalias. Diad bulan na Kislev nen Kumaduamploy taon na panooley nen Impirador Artajerjes, siak, si Nehemias, et wala ak ed manonan siudad na Susan.

Ezekiel 32:24

“Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.

Ester 2:8

Nen impaakseb sirin na ari yan balon ganggan to, sakey si Ester ed saray amayamay a mamarikit a niakar ed Susa. Niakar met si Ester sirin ed palasio na ari tan nipaasikasod kinen Hegai a makaoley na harim.

Genesis 14:1

Saray apatiran arari a di Amrafel na Babilonia, Arioc na Elasar, Kedorlaomer na Elam, tan Tidal na Goiim

Genesis 10:22

Saray lalakin anak to sikara di Elam, Asur, Arpaksad, Lud, tan Aram.

Daniel 8:3

tan diman ed pandel na ilog anengneng koy sakey a karniron kalakyan a duaray andorokey a saklur to, a say sakey et andokdokey tan balo ni nen samay sakey.

Daniel 7:15

Lapud saramay nipasingayew ed siak, apagaan tan agunigon ak.

Daniel 7:2

nipaakar ed anengneng ko ed saman a labi: Onsisiplug ed tapew na dayat so dagem a manlalapud amin a dapag.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Ester 9:15

Diad kumalabinapat ya agew na Adar nantitipon lamet iray Judio ed Susa tan pinatey da niy talon lasus nin lalaki ed siudad. Balet ag da diniwit so kayamanan na saray pinatey da.

Ester 9:11

Diad saman lamlamang ya agew nipasabid ari so bilang na saray apatey ed Susa.

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

Ester 7:6

Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Puyan 9:17

Diad payawar ed siak anengneng ko ray kabayo tan saray akakabayo: asakuban so pagew da na ambalangan singa apoy, asul a singa safiro, tan doyaw a singa asupri. Singa oloy lion so olo da ra may kabayo, tan ompapaway ed sangi ra so apoy, asewek, tan asupri.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Daniel 10:4

Diad kumaduamplo tan apat ya agew na ononan bulan na saman a taon, manalalagey ak ed gilig na baleg ya Ilog na Tigris.