Daniel 8:15 - Maung A Balita Biblia

¹⁵ Siak, si Daniel, tatalusan koy kabaliksan to may pasingayew, insan biglan walay singa sakey a toon manalalagey ed arap ko.

Maung a Balita Biblia

¹⁵ Siak, si Daniel, tatalusan koy kabaliksan to may pasingayew, insan biglan walay singa sakey a toon manalalagey ed arap ko.

Daniel 8:15 Referans Kwoze

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Puyan 1:13

Diad pegley da ra ya, walay singa sakey a too ya akakawes na onsagar ed mokur so saloy to. Wala met so akabariber a balituk ed pagew to.

Daniel 10:18

Inegnaan to ak lamet, et binmiskeg ak.

Puyan 13:18

Nipaakar ed saya, nakaukolay kakabatan. Nayarin naamtaay siopaman a makabat so kabaliksay numiro to may ayep, ta ngaran na sakey a too yan numiro. Say numiro to anem a lasus tan anemaplo tan anem.

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Marcos 4:12

Kanyan, ‘Nengneng la ra man a nengneng, ag da met lamlamang nanengneng; dengel la ra man a dengel, ag da met lamlamang natalusan; ta ompan lagi ompawil irad Dios, et pirdonaen to ra.’”

Mateo 24:30

Insan onletaw ed tawen so tanday Anak na Too. Onakis ya amin iray totood intiron mundo, tan nanengneng day Anak na Too a walad lorem tan onsasabin walay baleg a pakayari tan kagalangan.

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Mateo 13:36

Tinaynan nen Jesus iray totoo tan linmoob ed abung. Inmasingger iray disipulo tod sikato tan kuanda, “Ipaliwawam pad sikamiy kabaliksan to may alimbawan nipaakar ed dikad alog.”

Daniel 12:8

Nadngel koy imbaga to, balet ag ko atalusan. Kanyan tinepet ko, “Balet panoy pangangga na amin a bengatla?”

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Daniel 7:28

Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Josue 5:14

“Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Zacarias 1:9

Tinepet kod samay too, “Antoy kabaliksan da ra yan kabayo?” Inmebat may anghil, “Ipanengneng koy kabaliksan da.