Daniel 8:14 - Maung A Balita Biblia

¹⁴ Nadngel kon inmebat imay sananey ya anghil, “Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.”

Maung a Balita Biblia

¹⁴ Nadngel kon inmebat imay sananey ya anghil, Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.

Daniel 8:14 Referans Kwoze

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 12:11

“Manlapud samay panaon ya apatonda so inagew-agew a panagbagat, salantiy manlapud samay panaon na Makapataktakot a Managderal, sanlibo, duan lasus tan siamaplon agew so onlabas.

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Puyan 12:14

Balet naitdan imay bii na duaran payak na baleg ya agila, pian makatikyab ed pasen to diad kalawakan. Diman naasikaso ed loob na taloy taon tan kapaldua, pian naliktaran toy pasnuk na oleg.

Daniel 8:26

Ontuay pasingayew a nipaakar ed saray labi tan kabwasan a bagat a nipaliwawad sika. Balet iyamut mo ni natan lapud mabaybayag niy pakasumpal to.”

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Puyan 13:5

Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

TAGA GALACIA 3:8

Akaona lan impanengneng na Masanton Sulat a say Dios paandien to so kasalanan da ray Hintil diad panamegley na pananisia. Ontan met, akaona lan imbagay Masanton Sulat ed kinen Abraham so Maung a Balita, “Diad panamegley mo, bindisionan na Dios iray amin a katoowan.”

Genesis 1:5

tinawag to na “Agew” so liwawa tan “Labi” so bilonget. Linmabas so labi tan sinmabiy kabwasan—sikato ya so onaan ya agew.

Daniel 12:12

Maliket iray totoon mansiansian matoor ya anggad kalabas na sanlibo, talon lasus tan talomplo tan lima ya agew!