Daniel 7:10 - Maung A Balita Biblia

¹⁰ tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Maung a Balita Biblia

¹⁰ tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Daniel 7:10 Referans Kwoze

Isaias 30:27

Nanengneng ed arawi so pakayari tan kagalangan na Katawan. Ipapanengneng na apoy tan asewek so pasnuk to. Mansasalita et ondadalang a singa apoy iray salita to.

Deuteronomio 33:2

Say Katawan nanlapud Palandey na Sinai; inmatagey a singa agew ed tagey na Edom tan sinminag ed saray totoo to manlapud Palandey na Paran. Kaiba to ray samplon libon anghil manliub ya apoy so walad nikawanan to.

Puyan 5:11

Ninmengneng ak lamet, tan nadngel koy bosis a libo-libo tan laksalaksan anghil! Akaliber irad samay trono, saramay mabilay a pinalsa, tan saramay mamatakken,

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Judas 1:14

Sikaray labay ya ibaga nen Enoc, a kabyangay kumapiton kailalakan a nanlapud si Adan, nen nampropisiya, “Nengneng yo! Onsabiy Katawan a kaiba to ray libo-libon masanton anghil to,

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Daniel 7:22

Insan sinmabi may mambibilay ya anggad angga tan sinintinsiaan ton analo ra may totoo na Sankatageyan a Dios. Sinmabiy panaon ya awaten na saray totooy Dios so panarian.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Daniel 7:26

Insan nasintinsiaan ed mangatatawen a korti, naekal so pakayari to, tan naderal a sigput.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

2 Saray Awaran 18:18

Intuloy nen Micaya ya inkuan, “Dengel yo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil.

Saray Salmo 18:8

Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Say Libro nen Job 25:3

Wala tay makabilang ed saray managlingkur ton anghil? Wala tay pasen ya ag nasindagan na silew na Dios?

Saray Salmo 103:21

Idayew yoy Katawan, amin yo ran mangatatawen a pakayari, sikayo ran aripen to a mangoonur ed linawa to!