Daniel 6:4 - Maung A Balita Biblia

⁴ Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Maung a Balita Biblia

⁴ Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Daniel 6:4 Referans Kwoze

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

Lucas 20:20

Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Mateo 27:18

Ta kabkabat nen Pilato ya inyawat day Jesus ed sikato lapud pakakaibeg da.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

1 Timoteo 5:14

Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Probirbio 29:27

Say toon matonung kabosul toy toon maoges, tan say toon maoges kabosul toy toon matonung.

Saray Huis 14:4

Ag amta na saramay ateng nen Samson a say Katawan so mangiwawanwan ed sikato ed sayan gagawaen to, ta say Katawan et manaanap na pankanawnawan nalabanan to ray Filisteo. Diad sayan panaon ooleyan na saray Filisteo so Israel.

Genesis 43:18

Nen oonla la rad abung, natatakot ira tan inkuandad sikaran dili, “Niaakar kami dia lapud samay kuartan nipawil ed saray sako mi nen onaan ya inyakar mi dia. Biglaan da kamin dogpaan, alaen da ray asno mi, tan gawaen da kamin aripen to.”

2 CORINTO 11:12

Ituloy koy gagawaen ko natan, pian anggapoy nikatonungan da ra tay “apostol” diad pampapasirayew da tan pangibabaga ran say panlilingkur da et singa panlilingkur mi.

Juan 19:4

Pinmaway lamet si Pilato tan kuantod karaklan, “Iyarap ko yan too ed sikayo, pian naamtaan yon anggapoy narumog kon kasalanan to.”

Lucas 22:2

Saray manonan papari tan saray iskriba et manaanap iray pankanawnawa ran mamatey ed kinen Jesus, ta antakot irad saray totoo.

Mateo 26:4

Implano ran erelen a maamut si Jesus, insan da pateyen.

Daniel 3:8

Lapud saya wala ray pigaran taga Babilonia ya anganamut na pankanawnawa ran mangidalem ed saray Judio.

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

1 Samuel 22:14

Inmebat si Ahimelec, “Sankatooran si David ed saray opisyal mo! Sikatoy dilin manugang mo, kapitan na saray managbantay ed sika, tan gagalangen ed palasiom.

1 Samuel 18:14

tan maaligwas ed amin a ginawa to, ta walad sikato so Katawan.

Lucas 20:26

Diad arap na totoo, ag dan balut naerel si Jesus ed panagsalita to. Mankelaw irad ebat to, kanyan ag la ra inmesel.

Jeremias 29:7

Mankimey kayo a pankaabigan na saray siudad a nampaiprisoan kod sikayo. Ipikasi yo ed siak ira ta no maaligwas ira, maaligwas kayo met.

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

1 Samuel 12:4

Inmebat iray totoo, “Ag mo kami sinaol o pinairap; anggapoy antokaman ya inalam ed sikami.”

Daniel 5:12

Nidoma-doma so donung to tan makabat tan marunong ed panangipatalus na saray kogip, saray pabitla, tan diad panangipaliwawa na saray mistirio; kanyan paawit mo man a lakin manngaran na Daniel, a tinawag na ari na Beltsasar, ta ibaga tod sika so kabaliksan da ra ya.”