Daniel 5:23 - Maung A Balita Biblia

²³ Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Maung a Balita Biblia

²³ Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan batosaray diriyos ya ag ira makanengneng odino makadngel tan anggapoy amta ran bulat. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 5:23 Referans Kwoze

Say Libro nen Job 12:10

Say Dios so mangiwawanwan ed bilay na saray pinalsa to; walad lima to so bilay na balang too.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Probirbio 20:24

Say Katawan so angiplano na bilay tayo; panon sirin a natalusan na siopaman so aarapen na dilin bilay to?

Say Libro nen Job 31:4

Amta na Dios iray amin a gagawaen ko; sankanengneng toy balang kutdang ko.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Saray Salmo 139:3

Nanenengneng mo ak, anggan mankikimey odino mampapainawa ak; amtam ya amin so kiwas ko.

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

1 Timoteo 3:6

Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Saray Gawgawa 17:25

Ag to met nakaukolan so antokaman a niiter na too diad panlingkur ed sikato, ta say Dios so mangiiter ed amin na bilay, linawa, tan amin a bengatla.

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Ezekiel 31:10

“Natan sirin, siak a Katawan a Dios, ibagak ed sika no antoy nagawa ed sayan kiew a binmaleg ya anggad atokdul toy kaloreman. Diad imbaleg to pinmalalo met so panagpaatagey to;

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 33:10

Say Katawan kuantod saray bansa, “Natan, siak so onggalaw. Ipanengneng koy ontan lan pakayarik.

Saray Salmo 146:4

No ompatey ira, ompawil irad dalin; naandipat met lad satan ya agew iray plano ra.

Saray Salmo 115:16

Kayaryan a bukor na Katawan so tawen, balet inter toy mundo ed too.

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

Saray Huis 16:23

Nantitipon a mansilibra iray arari na Filistia tan mangisaklang iray baleg a bagat ed dios dan Dagon. Nankanta ra, “Impatalo na dios mi so kalaban min Samson!”

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

Isaias 13:11

Say Katawan kuanto, “Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Isaias 14:13

Ginetmam so onkalab ed tawen tan mangipasen na tronom ed tagey da ray sankatageyan a bitewen. Abaloan mon onirung kan sakey ya ari diad toktok na palandey ed baybay a pantitiponan da ray diriyos.

Jeremias 48:26

Inkuan na Katawan, “Buek yo so Moab, ta linmaban ed siak. Pandokulan toy dilin ota to, tan elek-elekan na saray totoo.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.