Daniel 5:2 - Maung A Balita Biblia

² Legan dan naniinoman ingganggan nen Belsasar ya alaen da ray balituk tan pilak a kupa tan losur a sinasamsam nen ama to a Nabucodonosor diad Timplo ed Jerusalem. Impaala to ra pian napaninoman da ra, sikato, saray opisyal to, saray asawa to, tan saray iyaamung ton bibii.

Maung a Balita Biblia

² Legan dan naniinoman ingganggan nen Belsasar ya alaen da ray balituk tan pilak a kupa tan losur a sinasamsam nen ama to a Nabucodonosor diad Timplo ed Jerusalem. Impaala to ra pian napaninoman da ra, sikato, saray opisyal to, saray asawa to, tan saray iyaamung ton bibii.

Daniel 5:2 Referans Kwoze

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

2 Saray Arari 24:13

Nen kumawalon taon na panooley nen Nabucodonosor, inawit ton priso si Joakin tan inala to met ya amin iray kayamanan na Timplo tan palasio. Onung na impasakbay la na Katawan, binebetag ya amin nen Nabucodonosor iray ginagawa nen Ari Solomon a balituk a kagawaan ed dalem na Timplo.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

2 Saray Arari 25:15

Inawit da ray amin a bengatlan balituk o pilak, pati saray ankekelag ya yaung tan saray palangganan pananginan na ngalab.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 5:13

Niakar a tampol ed arap na ari si Daniel, tan inkuan na ari ed sikato, “Sika so Daniel, sakey ed saramay Judio ya adakep nen amak ya ari tan inawit to dia a nanlapud Juda?

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Jeremias 52:19

Inala da ray amin a kagawaan a balituk o pilak: saray ankekelag a yaung, saray kawali a pananginay ngalab, saray yaung a pananginay dala na saray bagat, saray pananginay dapul, saray patoonay lamparaan, saray yaung a pananginay insinso, tan saray yaung ya ikakanad panangibung na saray bagat ya alak.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

2 Saray Awaran 36:18

Say ari na Babilonia inala to ray kagawaan ed Timplo, saray kayamanan a walad panagsinupan ed Timplo, tan saray kayamanan na ari tan saray opisyal to, insan to ra inawit ya amin ed Babilonia.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

2 Saray Awaran 15:16

Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

2 Saray Awaran 11:20

Ag abayag inasawa toy Maaca ya anak nen Absalom, tan walay apatiran lalakin anak da a di Abias, Atai, Ziza, tan Selomit.

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

Esdras 5:14

Impawil to ray balituk tan pilak a kagawaan na Timplo ya inaala ra nen Nabucodonosor ed Timplo ed Jerusalem insan to ra inyan ed timplo ed Babilonia. Impalima nen Impirador Ciro ira yan amin a kagawaan ed sakey a lakin manngaran na Sesbasar ya impasen ton gobirnador na Juda.

Jeremias 50:35

Say Katawan kuanto, “Patey ed Babilonia! Patey ed saray totoo to, saray manoley to tan diad saray makabat a totoo to.

Daniel 5:3

Niakar a tampol ed sikato ira may balituk a kupa tan losur, tan naniinoman da ra na alak

Daniel 5:30

Diad saman lamlamang a labi apatey si Belsasar ya ari na Babilonia;