Daniel 5:19 - Maung A Balita Biblia

¹⁹ Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Maung a Balita Biblia

¹⁹ Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 5:19 Referans Kwoze

Daniel 3:6

Siopamay toon ag ondakmomon mangigalang et ibontuk a tampol ed manliub ya apoy na palbaan.”

Daniel 3:4

inkulyaot na sakey a managbando, “Sikayo ran totoo ed amin a bansa, anggan antoy kolor na baog yo tan salita yo, dengel yo yan ganggan!

Saray Taga Roma 13:1

Nepeg a toluken na balang sakey iray manoley ed gobirno; ta anggapoy pakaoley ya ag nanlapud Dios, tan saray manoley natan et pinayorung iray Dios.

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Habacuc 2:5

Makapalikdo so kayamanan. Mapaatagey tan ag mampapainawa iray totoon maagom—ag iran balut napepenek a singa say patey. Kanyan ag ira ontotondan manakep na saray bansa tan saray totoo, pian nagamuran day labalabay da.

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

2 Saray Arari 25:28

Kinasian nen Evilmerodac, tan atagtagey so inter tod sikaton kipapasen nen saray arum ya ararin niakar a priso ed Babilonia.

Ezekiel 31:11

kanyan impolisay ko tan inabuloyan ko a naala na sangkailin manoley. Iter tod saman a kiew so kanepegan na inkaoges to.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 11:3

“Insan onletaw so makapanyarin ari. Manoley ed balbaleg ya impirio tan gawaen to so antokaman a labay to.

Daniel 11:16

Say taga Sirian makadakep et gawaen tod sikara so labalabay to, tan anggapoy onsumlang ed sikato. Onalagey ed Nisipan a Dalin tan sigput ton naoleyan yan dalin.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Ecclesiastes 8:3

Nayarian na ari a gawaen so labay to, kanyan taynan kad arap to. Ag ka manaayam ed sayan maatap a pasen.

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.