Daniel 5:17 - Maung A Balita Biblia

¹⁷ Inmebat si Daniel, “Ag mo la nununoten itay pangiter mod siak na tumang; iter mo la ed arum a too. Ibasak ed Kagalang ya Ari so nisulat tan ibagak ed sika so kabaliksan to.

Maung a Balita Biblia

¹⁷ Inmebat si Daniel, Ag mo la nununoten itay pangiter mod siak na tumang; iter mo la ed arum a too. Ibasak ed Kagalang ya Ari so nisulat tan ibagak ed sika so kabaliksan to.

Daniel 5:17 Referans Kwoze

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

Genesis 14:23

ya ag kon balut mangala na antokaman a kayaryan mo, anggan tinebey o sakey a bariber na sandalya. Ag mon balut nibagad satan, ‘Siak so nampayaman ed Abram.’

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Daniel 2:6

Balet no nibaga yod siak so kogip tan say kabaliksan to, tumangan ta kayo na saray rigalo tan baleg a kagalangan. Natan sirin, ibaga yo lad siak so kogip tan say kabaliksan to.”

Saray Salmo 119:46

Ibawag kod saray arari iray ganggan mo, et ag ak ombaing.

2 Saray Arari 5:26

Balet inmebat si Eliseo, “Ag ta wadman ak ed ispiritu nen inmepas ed karwahi to may too tan inabet to ka? Akin, panaon natan a pangawat na kuarta, tan kawes, kakiewan na oliba, tan kaubasan, karniro, tan baka, odino saray aripen?

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”