Daniel 5:16 - Maung A Balita Biblia

¹⁶ Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Maung a Balita Biblia

¹⁶ Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.

Daniel 5:16 Referans Kwoze

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Genesis 40:8

Inmebat ira, “Walay kogip na balang sakey ed sikami, et anggapo diay makapangipatalus.” “Say Dios so manangipatalus,” inkuanen Jose. “Ibaga yod siak ira tay kogip yo.”

Saray Gawgawa 8:18

Anengneng nen Simon a saray angitatapewan da ray apostol na lima ra et naawat day Ispiritu, kanyan iitdan to ray kuarta di Pedro tan Juan,

Genesis 41:15

Inkuan na arid sikato, “Walay kogip ko, et anggapoy makapangipatalus. Abalitaan kon nayarian moy mangipatalus na kogip.”

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Daniel 2:6

Balet no nibaga yod siak so kogip tan say kabaliksan to, tumangan ta kayo na saray rigalo tan baleg a kagalangan. Natan sirin, ibaga yo lad siak so kogip tan say kabaliksan to.”

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.

Daniel 6:2

Pinili to si Daniel tan duaran lalaki a mangasikaso ed saray gobirnador tan mangimano na pankaabigan na ari.