Daniel 4:35 - Maung A Balita Biblia

³⁵ Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Maung a Balita Biblia

³⁵ Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Daniel 4:35 Referans Kwoze

Saray Salmo 135:6

Gagawaen toy labay ton gawaen diad tawen tan diad dalin, diad saray dayat tan diad saray kaaralman.

Say Libro nen Job 42:2

“Amtak, Katawan, a nagawaan moy amin a bengatla; anggapoy makabaat ed antokaman a labay mon gawaen.

Saray Salmo 115:3

Walad tawen so Dios mi, tan gagawaen toy antokaman a labay to.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

1 CORINTO 2:16

Ta onung na ibabagay Masanton Sulat, “Siopay makaamtad kanunotay Katawan? Siopay makasimbawad sikato?” Balet, walad sikatayoy panagnunot nen Cristo.

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

1 Samuel 3:18

Kanyan imbaga nen Samuel iray amin a bengatla; anggapoy inyamut to. Inkuanen Eli, “Sikato so Katawan; gawaen toy antokaman ya isisipen ton maabig.”

Saray Gawgawa 5:39

Balet no nanlapud Dios, ag yo ra natalo. Ompan ompaway ni ingen a say Dios so lalabanan yo!” Tinombuk na Sanidrin yan simbawa nen Gamaliel.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Saray Gawgawa 9:5

“Siopa ka, Katawan?” tepet to. Inmebat imay bosis, “Siak si Jesus a papairapen mo.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Saray Gawgawa 11:17

Malinlinew sirin ya initdan met na Dios ira man a Hintil na panangaron inter tod sikatayo nen anisia tayod Katawan a Jesu-Cristo. Siopa ak a manebel ed Dios?”

Saray Salmo 49:1

Dengel yo ya, amin yon katoowan! Dengel kayo, amin yon manaayam ed inerman a pasen,

Saray Salmo 33:14

Manlapud panooleyan ton pasen, uusdongan ton amin iray manaayam ed tapew na dalin.

Saray Salmo 39:5

Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Ecclesiastes 8:4

Walay pakaoley na antokaman a gawaen na ari, tan anggapoy nayarin mibabali.

Isaias 19:17

Ontakot ed Juda iray Egipsio kapag nipanunot ed sikara so pansumpalan da ya imparaan na Katawan a Makapanyarin-amin.

Daniel 6:27

Sikato so mangilalaban tan mangyaagel; manggagawa na saray milagro tan saray pakelaw diad tawen tan diad dalin. Inyagel toy Daniel ed pamatey na saray lion.”

Jonas 1:14

Kanyan tinmawag irad Katawan, “O Katawan, pikasi mid sika ya ag mo kami pa dudusaen na patey lapud pangoyus mid bilay na sayan too. Sika, O Katawan, so akaoley ed sayan inkagawa; sika so nanggawad sayan amin.”

Josue 2:2

Nadngelan na ari ed Jerico a diad saman a labi wala ray Israelitan linmoob a manispia ed bansa,