Daniel 4:30 - Maung A Balita Biblia

³⁰ inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Maung a Balita Biblia

³⁰ inkuanto, Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.

Daniel 4:30 Referans Kwoze

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Saray Salmo 73:8

Elek-elekan da ray arum a totoo tan totongtongen day nipaakar ed kaogsan; mapaatagey ira tan iplaplano ray pamairap dad arum a totoo.

Saray Salmo 49:20

Anggan matalonggaring so sakey a too ag mansiansian mambilay, ompatey nin siansia a singa saray ayayep.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Saray Salmo 104:1

Idayew moy Katawan, O kamarerwak! O Katawan a Dios ko, agaylay talonggaring mo! Akawesan kay dayew tan kagalangan,

Ester 1:4

Anem bulan ya impapanengneng to ray kayamanan, kagalangan tan karakpan na impirio to.

Genesis 10:10

Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Daniel 4:31

Mansasalita ni si Ari Nabucodonosor nen walay bosis a nanlapud tawen a kuanto, “Ari Nabucodonosor, dengel moy ibagak ed sika! Nakal lad sika so pakayarim ya ari.

Habacuc 1:11

Insan onlalabas iran singa dagem tan nanaandi la ra, sarayan totoo a dios da so pakayari ra.”

Probirbio 11:2

Ag mabayag napelag ed kababaingan iray totoon mapaatagey. Makabat so toon mapaabeba.

Lucas 14:9

Onlad satay angimbitad sikayon dua tan ikuantod sika, ‘Nayarin iter mo tay pasen mod sikato?’ Nabaingan kad satan tan napasootan kan onyorung ed sankaabebaan a pasen.