Daniel 4:19 - Maung A Balita Biblia

¹⁹ Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Maung a Balita Biblia

¹⁹ Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, Ag ka mapaga lapud samay kogip tan say labay ton ibaga. Inmebat si Beltsasar, Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 4:19 Referans Kwoze

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Daniel 7:28

Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Daniel 4:24

“Saya sirin so kabaliksan to, Kagalang ya Ari, tan sikato yay imbawag na Sankatageyan a Dios a nagawad sika.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

1 Samuel 3:17

“Antoy imbagay Katawan ed sika?” tepet nen Eli. “Ag mo komun iyaamut ed siak. Ambelat so panusay Dios ed sika no ag mo ibagad siak iray amin ya imbaga to.”

Habacuc 3:10

Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Daniel 7:15

Lapud saramay nipasingayew ed siak, apagaan tan agunigon ak.

Daniel 5:12

Nidoma-doma so donung to tan makabat tan marunong ed panangipatalus na saray kogip, saray pabitla, tan diad panangipaliwawa na saray mistirio; kanyan paawit mo man a lakin manngaran na Daniel, a tinawag na ari na Beltsasar, ta ibaga tod sika so kabaliksan da ra ya.”

Daniel 2:26

Inkuan na ari ed kinen Daniel (ya atawag met na Beltsasar), “Nibagam ed siak so akogip ko tan no antoy kabaliksan to?”

Daniel 1:7

Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Jeremias 29:7

Mankimey kayo a pankaabigan na saray siudad a nampaiprisoan kod sikayo. Ipikasi yo ed siak ira ta no maaligwas ira, maaligwas kayo met.

1 Saray Arari 18:7

Nen walad dalan si Obadias, biglan nabet toy Elias. Abirbir to, dinmakmomod arap to, tan tinepet to, “Sikan tua si Elias?”

1 Samuel 26:15

Inmebat si David, “Abner, aliwa tan sikay sankatalonggaringan a tood Israel? Akin balet et ag mo iyaagel so katawan mon ari? Walad tay linmoob ed kampo yo a sakey a toon mamatey ed ari.

1 Samuel 24:8

Pinmaway met ed ongib si David, tinombuk to, insan to tinawag, “Kagalgalang kon Ari!” Linmingaw si Saul et si David dinmakmomo ya anggad dalin a pamagalang to,

1 Samuel 1:15

Inmebat, “Aliwak ak pan abuek. Ag ak inminom na alak no ag ingen maermen ak a maung. Mampipikasi ak tan ibabagak ed Katawan iray gunigon ko.

Exodo 32:32

Pirdonam pa ray kasalanan da; balet no ag mo ra pirdonaen, boral mo lay ngaran ko ed libro ya angisulatan mod kangaranan na saray totoom.”

Genesis 32:18

onyay iyebat mo, ‘Kien ira nen aripen mon Jacob. Ipapayakar to ran rigalo ed kuya ton Esau.’”

Genesis 31:35

Inkuanen Raquel ed kinen ama to, “Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii.” Inanap nen Laban iray diriyos to, balet ag to ra nalmo.

Genesis 40:12

Inkuanen Jose, “Niay talus to: saramay taloran sanga kabaliksan day taloran agew.

Daniel 2:37

Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.