Daniel 4:18 - Maung A Balita Biblia

¹⁸ “Sikato yay akogip ko,” kuanen Ari Nabucodonosor. “Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.”

Maung a Balita Biblia

¹⁸ Sikato yay akogip ko, kuanen Ari Nabucodonosor. Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.

Daniel 4:18 Referans Kwoze

Daniel 5:15

Saray sumisimbawa tan saray salamangkiro et niakar ira diad arap ko a mambasa ed sayan nisulat tan mangipatalus na kabaliksan to, balet ag da nibagay kabaliksan to.

Genesis 41:8

Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Daniel 5:8

Inmasingger ed arap na katoowan ira may sumisimbawa na ari, balet anggapod sikara so makabasad samay nisulat odino makapangibaga ed ari na kabaliksan to.

Genesis 41:15

Inkuan na arid sikato, “Walay kogip ko, et anggapoy makapangipatalus. Abalitaan kon nayarian moy mangipatalus na kogip.”

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Daniel 2:7

Inmebat ira lamet ed ari, “No ibaga labat komun na Kagalang ya Ari so akogip to, ipatalus miy kabaliksan to.”

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Genesis 40:12

Inkuanen Jose, “Niay talus to: saramay taloran sanga kabaliksan day taloran agew.

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Daniel 2:38

Impagmaliw to kan manoley ed amin a pasen a kawalaan na totoo tan manoley ed amin da ray ayayep tan amin da ray manok. Sika may olon balituk.