Daniel 3:19 - Maung A Balita Biblia

¹⁹ Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Maung a Balita Biblia

¹⁹ Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Daniel 3:19 Referans Kwoze

Daniel 3:13

Lapud saman mapalaloy impetang na olo na ari, et ingganggan ton iyarap ed sikato ira may taloran lalaki.

Levitico 26:24

sumpaen ta kayo tan mamimpito nin belat so iyarum ko lamet ed dusa yo lapud saray kasalanan yo.

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Saray Gawgawa 5:33

Nen nadngel ya na saray kabyangay Sanidrin, agaylay pasnuk da, kanyan ninunot dan pateyen ira may apostol.

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Levitico 26:21

“No siansia nin sumlangen yo ak tan ag yo ak ni onuren, mamimpito nin belat so iyarum ko lamet ed dusa yo lapud saray kasalanan yo.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

Saray Gawgawa 7:54

Nen nadngel na saray kabyangay Sanidrin ira yan balikas nen Esteban manngilet irad petang na olo rad sikato.

Daniel 6:24

Insan ingganggan na ari ya erelen ira may lalakin angidalem ed kinen Daniel tan impaibontuk to ra, pati saray kaasawaan da tan saray anak da, ed samay abut a kawalaan da ray lion. Kasakbayan ya asabi ray kaaralman na abut, asimpayut la ra na saray lion tan tinetemek day amin a pokel da.

Isaias 51:23

Iter ko lad saray nampapairap ed sikayo, saray amarokul ed sikayo ed saray dalan, insan da kayo ginagatinan a singa kayo dotak.”

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

Ester 7:7

Inmalagey so ari a mapalaloy petang na olo to, pinmaway ed kuarto, tan linmad tanamanan na palasio. Atalusan nen Haman ya andi-duaruwan dusaen na ari lapud saya, kanyan tinmilak ta kerewen tod Riyna Ester ya ag la komun napatey.

Genesis 31:2

Alikas to met a nanaoman lay panangaro nen Laban ed sikato.

Daniel 2:12

Lapud sayan imbaga ra, mapalaloy impakapasnuk na ari tan ingganggan ton pateyen ya amin iray sumisimbaway ari a walad Babilonia.

Daniel 3:20

Kayari to ya, ingganggan to ray sankabiskegan ed saray sondalo to a baluren da ra may talora tan ibontuk da rad manliub ya apoy.

Ester 3:5

Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.