Daniel 2:40 - Maung A Balita Biblia

⁴⁰ Insan walay kumapat ya impirio a mabiskeg a singa balatyang; temeken tan misimisien toy amin a bengatla. No panoy panemek na balatyang ed amin a bengatla, ontan met so panemek tan pamagbag na sayan impirio ed amin ya akaonan impirio.

Maung a Balita Biblia

⁴⁰ Insan walay kumapat ya impirio a mabiskeg a singa balatyang; temeken tan misimisien toy amin a bengatla. No panoy panemek na balatyang ed amin a bengatla, ontan met so panemek tan pamagbag na sayan impirio ed amin ya akaonan impirio.

Daniel 2:40 Referans Kwoze

Daniel 7:7

Legan kon ombabantay, pinmanengneng so kumapat ya ayep; makapanyari, makapataktakot tan mabisbiskeg ya ayep. Nginasngas tod saray ankakabaleg a balatyang a ngipen to iray pinatey to, insan to ra ginatin-gatinan. Nidomad saramay talora ta walay samploran saklur to.

Juan 11:48

No palpaolyan tayo, manisia lan amin iray totoo ed sikato tan kabekta, onla ra diay taga Roma a maneral na Timplo tan say baley tayo!”

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Daniel 8:24

Ompalaloy biskeg to—balet aliwan lapud dilin pakayari to. Makapataktakot so panderal to tan onaligwas ed amin a gawaen to. Deralen to ray makapanyarin lalaki tan saray dilin totoo na Dios.

Daniel 2:33

balatyang iray ulpo tan bikking to, tan balatyang tan dalin iray sali to.

Jeremias 15:12

Anggapoy siopaman a makapoter ed balatyang, nagkalalod balatyang a nanlapud baybay tan walay lauk ton gansa.)

Say Libro nen Job 9:17

Mangibakiy bagyo ya ombasig tan manugat ed siak ya anggapoy makasengeg.

Daniel 2:39

No anggapo ka la onsalat so sananey ya impirio, balet aliwan singa kabaleg tan katalonggaring na impiriom. Kayari to ya, onsalat so kumatlon impirio na gansa a sikatoy manoley ed intiron mundo.

Daniel 2:41

Anengneng mo met a walay balatyang tan dalin iray sali tan saray gamet na samay talintao. Apaldua ya impirio so kabaliksan to man. Nawalaan so impirio na biskeg a singa balatyang lapud wala man a balatyang ya alaukan na dalin.