Daniel 2:23 - Maung A Balita Biblia

²³ Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Maung a Balita Biblia

²³ Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.

Daniel 2:23 Referans Kwoze

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Lucas 10:21

Diad saman ya oras, si Jesus pinagayagay Ispiritu Santo. Inkuanen Jesus, “Misalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw. On, Ama, agawa ya ta sikatoy nilabay mo.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Puyan 5:5

Insan inkuan ed siak na sakey ed saramay mamatakken: “Ag ka onaakis. Nengneng mo! Say Lion a kabyangay tribu nen Juda, say matalonggaring a kabyangay boleg nen David, et analo la tan walay kanepegan ton mangekal na pitoran timbri tan mangilokas ed babasaen a nilokut.”

Puyan 1:1

Diad sayan libro nisulat iray impuyan na Dios ed Jesu-Cristo. Impuyan na Dios ira ya, pian nipaamta tod saray aripen to ray asingger lan nakaukolan a nagawa. Impaamta met ira ya nen Jesu-Cristo ed kinen Juan ya aripen to, diad impangibaki toy sakey ya anghil to,

Juan 11:41

Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Probirbio 24:5

Matalona ni so toon makabat nen say toon mabiskeg; on, magmaung ni so pakaamta nen say biskeg.

Probirbio 21:22

Say makabat a pangulo na saray sondalo nalooban toy siudad ya iyaagel na saray mabiskeg a totoo, tan nigeba to ray padir a panmamatalkan da.

Probirbio 8:14

Mamplaplano ak tan susumpalen ko ra. Walay pakatalus ko, tan mabiskeg ak.

2 Saray Awaran 20:6

insan nampikasi na maksil, “O Katawan a Dios na saray lalaki mi, wala kad tawen a manooley ed amin da ray bansa ed mundo. Makapanyari tan mabiskeg ka, kanyan anggapoy makasumpad sika.

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

1 Saray Awaran 29:10

Diman ed arap na saray atiptipon a totoo indayew nen David so Katawan. Inkuanto, “Katawan a Dios na laki min Jacob, nadayew ka komun ed ando lan ando!

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

1 Saray Arari 8:57

Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

Genesis 18:17

Inkuan na Katawan ed sikaton dili, “Ag ko iyamut ed kinen Abraham so gawaen ko.

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Ecclesiastes 9:16

Kuanko lan gendat a maung niy kakabatan nen say biskeg, balet anggapoy mangipapasen a makabat ed toon mairap-bilay odino ondedengel ed ibabaga to.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Saray Salmo 21:2

Inter moy nampilalekan to; ag mo pinabaingan ed kerew to.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.