Daniel 2:20 - Maung A Balita Biblia

²⁰ “Say Dios makabat tan makapanyari! Sikatoy idayew yo ed ando lan ando.

Maung a Balita Biblia

²⁰ Say Dios makabat tan makapanyari! Sikatoy indayew yo ed ando lan ando.

Daniel 2:20 Referans Kwoze

Saray Salmo 113:2

Nagalang komun so ngaran to, natan tan diad ando lan ando.

Puyan 5:12

tan maksil ya inkuanda, “Say Kordiron pinatey so manepeg a mangawat na pakayari, kayamanan, kakabatan, biskeg, dayew, galang, tan bindision!”

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Saray Salmo 147:5

Matalonggaring tan makapanyari so Katawan tayo; ag nasukat so kakabatan to.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—

Probirbio 8:14

Mamplaplano ak tan susumpalen ko ra. Walay pakatalus ko, tan mabiskeg ak.

Saray Salmo 115:18

Balet sikatayon mabilay pisalamatan tayoy Katawan manlapud natan ya anggad angga. Idayew yoy Katawan!

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

2 Saray Awaran 20:21

Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: “Nadayew komun so Katawan! Ag mangangga so ag mangoman a panangaro to!”

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

Saray Salmo 113:1

Idayew yoy Katawan! Sikayo ran aripen na Katawan, idayew yoy ngaran to!

Ezekiel 28:3

Abaloan mo a makabat ka nen si Danel, ya anggapoy niamut ya ag mo amta.

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”