Daniel 11:36 - Maung A Balita Biblia

³⁶ “Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Maung a Balita Biblia

³⁶ Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 11:36 Referans Kwoze

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Daniel 11:16

Say taga Sirian makadakep et gawaen tod sikara so labalabay to, tan anggapoy onsumlang ed sikato. Onalagey ed Nisipan a Dalin tan sigput ton naoleyan yan dalin.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Isaias 14:13

Ginetmam so onkalab ed tawen tan mangipasen na tronom ed tagey da ray sankatageyan a bitewen. Abaloan mon onirung kan sakey ya ari diad toktok na palandey ed baybay a pantitiponan da ray diriyos.

Puyan 10:7

Oras a sinibuk na kumapiton anghil so trumpita to, gawaey Dios so niamut a plano to, onung na imbaga tod saray propitan managlingkur to.”

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Saray Salmo 136:2

Misalamat kayod sankatalonggaringan ed saray diriyos; andi-anggaan so panangaro to.

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

Puyan 17:3

Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.

Puyan 12:14

Balet naitdan imay bii na duaran payak na baleg ya agila, pian makatikyab ed pasen to diad kalawakan. Diman naasikaso ed loob na taloy taon tan kapaldua, pian naliktaran toy pasnuk na oleg.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 11:3

“Insan onletaw so makapanyarin ari. Manoley ed balbaleg ya impirio tan gawaen to so antokaman a labay to.

Daniel 8:4

Binantayan ko may karniro a bobonoen toy bandad sagur, baybay, tan diad abalaten. Anggapoy ayep a makapatondad sikato odino makapaliis ed pakayari to. Ginawa toy labay ton dili tan pinmalaloy inkalastug to.

Daniel 7:8

Nen nenengnengen ko ra may saklur to, anengneng kon ontutubod kawalaan da so sakey a melag a saklur. Binagut toy taloran saklur ed saramay wadman la. Sayan saklur wala ray mata ton matay too tan walay sangi ton mapasirayew a mansalita.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Saray Salmo 33:10

Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

Josue 22:22

“Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

2 TESALONICA 2:3

Ag kayon balut patitilaan ed anggan siopa. Say Agew na Katawan et ag onsabi ya anggad nagaway kaonuran a Bakal a sumlang ed Dios tan say ipaway na samay Maoges a niganad andi-anggaan a dusa.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Puyan 13:1

Insan anengneng koy sakey ya ayep ya onsasakbit a nanlapud dayat. Pitoray olo to tan samploray saklur to. Akoronaay balang saklur to, tan akasulat ed balang olo to so ngaran a sumpad Dios.

Ezekiel 35:13

Nadngel koy mapalalon mapaatagey ya impansasalitam sumpad siak.”

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Daniel 11:37

Ag ikabkabilangan na ari so dios a nanlilingkuran na saray lalaki to, tan say dios ya inararo na saray bibii. Diad tuay tua, ag to ikabilangan ya amin iray diriyos, ta ipasen toy sikaton dili a matalonggaring nen say siopaman ed sikaran amin.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 10:23

Say Katawan a Dios a Makapanyarin-amin deralen toy intiron bansa, onung na inkuan to.

Isaias 14:14

Imbagam ya onkalab ka ed saray tapew na kaloreman tan magmaliw kan singa Makapanyarin-amin.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 57:9

Popoyukan yoy laman yo na saray nandoroman pabalingit, insan kayo mangigalang ed dios a Moloc. Diad pananap yo na saray diriyos ya igalang yo, mangibabaki kayod ararawin pasen, ya anggan diad pasen a panaayaman da ray inaatey.

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Zacarias 11:16

Angipasen ak na sakey a pumapastol a manasikasod saray karnirok, balet ag to tutulongan iray maatap so bilay da; ag to aanapen iray abalang, ag to tatambalen iray asugatan, odino papakanen iray akapaliis ed patey. Kakanen to ingen so karni da ray sankatabaan tan aakniten to ray koko ra.