Daniel 11:27 - Maung A Balita Biblia

²⁷ Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Maung a Balita Biblia

²⁷ Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Daniel 11:27 Referans Kwoze

Saray Salmo 12:2

Mantitilaan la ray totoo; manlolokowan tan mampapalikdowan ira.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Saray Salmo 64:6

Maoges iray plano ra, tan kuanda, “Ayadyari so impangiplano tayo ed sayan krimin.” Ag natalusan so puso tan kanunotay too!

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Probirbio 26:23

Say maamuyot a pananalita a panakub na petepeteg mon nununoten et singa panagpasileng ya iyokup ed dalin a kagawaan.

Probirbio 12:20

Panamalikdo so walad kanunotan da ray manggegetman manggaway kaogsan, balet liket so nagamuran da ray manggagaway kamaungan.

Saray Salmo 58:2

Andi! Nununoten yo labat so maoges a nagawaan yo, tan manggagawa kayoy karuksaan diad tapew na dalin.

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

1 TESALONICA 5:1

Ag la nakaukolan ya isulat mid sikayo, agagi, so nipaakar ed oras tan panaon,

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Daniel 11:29

“Onsabiy panaon a dogpaan to lamet so Egipto, balet doma lad satan so nagawa.

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Ezekiel 17:9

“Kanyan siak a Katawan a Dios tetepeten ko: Mambilay tan ombaleg kasi yan sengeg na ubas? Ag kasi lamuten na samay ononan agila tan pagpagen to ray bunga to, tan lopak-lopaken to ray sanga to tan paolyan to ran nalenes? Ag la nakaukolan so mapalalon biskeg o makapanyarin bansa a mamagut ed sikato.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

2 Samuel 13:26

Balet inkuanen Absalom, “Sigi sirin, anggan si Amnon labat so abuloyan yon onla.” “Akin et sikato?” tepet na ari.

Daniel 11:28

Onsempet so ari na Siria a sankaawit to ray asamsam to, tan malet so getma ton maneral ed rilihion da ray totoo na Dios. Gawaen to so labalabay to, insan la ompawil ed dilin dalin to.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”