Daniel 11:21 - Maung A Balita Biblia

²¹ Samay anghil intuloy ton impaliwawa: “Say onsalat ya ari na Siria et sakey a maoges a too ya anggapoy kanepegan ton manari, balet ag ilaloan so isabi to tan samsamen toy pakaoley diad panamegley na panamalikdo.

Maung a Balita Biblia

²¹ Samay anghil intuloy ton impaliwawa: Say onsalat ya ari na Siria et sakey a maoges a too ya anggapoy kanepegan ton manari, balet ag ilaloan so isabi to tan samsamen toy pakaoley diad panamegley na panamalikdo.

Daniel 11:21 Referans Kwoze

Daniel 11:34

Legan a nitutuloy so panagpatey, dagdaiset so tulong a naawat na saray totooy Dios. Anggaman ya amayamay so migampid sikara, maoges balet so getma ra.

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Nahum 1:14

Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”

Daniel 11:32

Diad panamegley na panamalikdo natanggoyur na ari a tulongan na saray angikaindan la ed rilihion da, balet onlaban ed sikato iray ontotoluk ed Dios.

Daniel 11:20

“Insan onsalat ed sikato so sakey ya ari a mangibaki na sakey ya opisyal a mamairap ed saray totoo diad pansingil toy atatagey a buis, pian ondakel so kayamanan na nanarian. Ag mabayag napatey iman ya ari balet aliwan diad arap na karaklan odino diad bakal.”

Daniel 11:7

Ag mabayag magmaliw ya ari so sakey ed saray kakanayon to may bii. Dogpaan na sayan ari iray sondalo na ari na Siria, looban to ray tirinsira ra, tan taloen to ra.

Daniel 8:23

“No magano lay pangangga na saraman a nanarian tan nagmaliw la ran maoges, kanyan kanepegan da lay dusaen, walay onletaw ya arin anawet so olo tan maoges, tan managpalikdo.

Daniel 8:9

Diad sakey ed sarayan apatiran saklur, tinmubo so sakey a melag a saklur, a say pakayari to et linmaknab ed abalaten tan diad bokig tan anggad Nisipan a Dalin.

Daniel 7:8

Nen nenengnengen ko ra may saklur to, anengneng kon ontutubod kawalaan da so sakey a melag a saklur. Binagut toy taloran saklur ed saramay wadman la. Sayan saklur wala ray mata ton matay too tan walay sangi ton mapasirayew a mansalita.

Isaias 32:5

Anggapo lay manisip a mapagalang so sakey a makulang-kulang o walay mangibagan maptek so toon anggapoy kababaingan.

Saray Salmo 15:4

Babalawen to ray totoon ipopolisay na Dios, balet gagalangen to ray mangoonur ed Katawan. Susumpalen toy amin ya insipan to, anggan antoy nagawad sikato.

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’