Daniel 1:8 - Maung A Balita Biblia

⁸ Tinibokel nen Daniel ed kanunotan to ya ag to abuloyan a magmaliw a marotak onung ed ganggan diad pangan to na kakanen tan diad iyinom to na alak a manlalapud palasio. Lapud saya kinerew tod kinen Aspenaz ya abuloyan ton ag narotakan onung ed ganggan,

Maung a Balita Biblia

⁸ Tinibokel nen Daniel ed kanunotan to ya ag to abuloyan a magmaliw a marotak onung ed ganggan diad pangan to na kakanen tan diad iyinom to na alak a manlalapud palasio. Lapud saya kinerew tod kinen Aspenaz ya abuloyan ton ag narotakan onung ed ganggan,

Daniel 1:8 Referans Kwoze

Saray Salmo 141:4

Iyarawi mo ak pad pampilalek a manggaway maoges, o diad pikasakey ed kaogsan na saray totoon maoges. Ag ak komun mibabalid saray pista ra.

1 CORINTO 7:37

Balet no say laki et pinaletan tod kanunotan to ya ag la mangasawa, ya anggapoy mamasoot ed sikato, no sarag ton pokpokan a maung so inkasikato, tan talagan ag to la omaney kanunotan to, maabig so ag to la pangasawa ed kasipan to.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 119:106

Tooren ko so sinambaan ko, ya onuren ko ray maptek a bilibilin mo.

Daniel 1:5

Ingganggan met na ari a nepeg ya itdan iran inagew-agew na kakanen tan alak a singa saray niiiter ed ari tan saray kabyangan na opisyal to. Kayariy taloy taon a pangibangat ed sikara, nepeg ya omparontal irad ari.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Deuteronomio 32:38

Pinakan yo ra na tabay ayep ya imbabagat yo tan pinainom yo ray alak ya insasaklang yon bagat ed sikara. Tawag yo ra ta tulongan da kayo natan; paiyagel kayod sikara.

Saray Salmo 106:28

Insan akibabali ran angigalang ed Baal diad Peor tan angan ira na saray imbagat ed saray diriyos ya anggapoy bilay.

1 Saray Arari 5:5

Insipan na Katawan ed kinen amak a David, ‘Say anak mon laki ya isalat kod sikan manari so mangipaalagey na timplo a para siak.’ Peteg a ginetmak la natan sirin so mangipaalagey na Timplon pangigalangan ed Katawan a Dios ko.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Probirbio 23:3

Ag mo kapadakelan so alaen mon mananam a kakanen ya iparongo tod sika; nayarin papalikdoen to ka.

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.