Daniel 1:17 - Maung A Balita Biblia

¹⁷ Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Maung a Balita Biblia

¹⁷ Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Daniel 1:17 Referans Kwoze

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Say Libro nen Job 32:8

Balet say ispiritu na Makapanyarin-amin a Dios so onloob ed too tan mangiter na kakabatan.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Saray Gawgawa 7:22

Imbangat day Moises ed amin a kakabatan da ray Egipsio, tan nagmaliw a matalonggaring ed salita tan gawa.

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Ezekiel 28:3

Abaloan mo a makabat ka nen si Danel, ya anggapoy niamut ya ag mo amta.

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Daniel 7:1

Diad ononan taon na panaari nen Belsasar ed Babilonia, walay sakey a kogip ko tan akanengneng ak na sakey a pasingayew ed labi, tan sikato yay nisulat ko

Daniel 2:19

Diad saman lamlamang a labi nipaamtad kinen Daniel so mistirio diad panamegley na pasingayew. Lapud saman indayew to so Dios na tawen:

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Isaias 28:26

Amta ton gawaen iray kimey to, ta say Dios so angibangat ed sikato.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

2 Saray Awaran 1:10

Kanyan iter mo pad siak so kakabatan tan pakatalus a nakaukolan ko ed panoley kod sikara. Ta no andi, panon kon naoleyan ira yan matalonggaring a totoom?”

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Daniel 5:14

Nadngelan ko a walad sikay ispiritu na saray masanton diriyos, marunong ka, tan naitdan kay pakatalus tan ayadyarin kakabatan.

2 Saray Awaran 1:12

Itdan ta ka na kakabatan tan pakatalus. Itdan ta ka met na saray kayaryan, kayamanan, tan kagalangan a dakel ni nen saray a kayaryan na anggan siopan ari ya akaona nen say sika odino say arin mantombuk ed sika.”

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Daniel 1:18

Kalabas na taloy taon ya inggetar na ari, inyakar nen Aspenaz ed kinen Nabucodonosor ira may amin a lalakin tobun-balo.

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Daniel 2:30

Natan, nipaamtad siak yan mistirio, aliwan lapud makabat ak nen saray arum, no ag ingen pian nakabatan mo, Kagalang ya Ari, so kabaliksan na kogip mo tan natalusan mo ray kanunotan a sinmabid sika.

Daniel 4:6

Ingganggan kon niakar ed siak ya amin iray sumisimbawak diad Babilonia, pian nibaga rad siak so kabaliksan na saman a kogip ko.