Daniel 1:12 - Maung A Balita Biblia

¹² Inkuanto, “Subok mo kami karin samploy agew. Itdan mo kami na pising a kanen mi tan say danum ya inomen mi.

Maung a Balita Biblia

¹² Inkuanto, Subok mo kami karin samploy agew. Itdan mo kami na pising a kanen mi tan say danum ya inomen mi.

Daniel 1:12 Referans Kwoze

Saray Taga Roma 14:2

Walay toon manisian naakan toy amin a nakan, balet pising labat so kakaney toon makapoy ed pananisia.

Daniel 1:16

Kanyan nanlapud saman samay guardia inyabuloy ton mangan ira na pising, aliwa lan samay kakanen a manlalapud palasio.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Daniel 1:11

Kanyan inasinggeran nen Daniel so guardian impasen nen Aspenaz a makaoley ed kinen Daniel tan saramay taloran kakaaro to.

Daniel 1:13

Insan mo kami ipara ed saray lalakin tobun-balon mangakan na kakanen a manlalapud palasio, et no antoy nanengneng mod sikami sikatoy pangiletnegan moy ebat mo.”