COLOSAS 3:8 - Maung A Balita Biblia

⁸ Balet natan, ekal yo la ra yad bilay yo: alabas a pasnuk, bosul, tan sakit na linawa. Ag ki la mampapaoges tan mansasalitay mabanday.

Maung a Balita Biblia

⁸ Balet natan, ekal yo la ra yad bilay yo: alabas a pasnuk, bosul, tan sakit na linawa. Ag ki la mampapaoges tan mansasalitay mabanday.

COLOSAS 3:8 Referans Kwoze

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

TAGA-EFESO 5:4

Mabanday met ya agamilen yoy marotak, maoges iran salita, tan say andi-kakanaan a panaglurey. Ingen, misalamat kayod Dios.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

Probirbio 29:22

Say toon maipapasnuk panlapwan na dakel a kolkolan tan golo.

COLOSAS 3:9

Ag ki met la mantitilaan, ta sinalatan yo lay daan ya inkatoo, pati saray kagagawa to,

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

TAGA GALACIA 5:15

Balet no singa kayo ayayep a mankeketketan tan mampapasakitan, manalwar kayo ta ompan naoput kayo.

Saray Taga Roma 13:13

Simpitan ti lay kagagawa tayo, ta singa tayo totoon mambibilay ed liwawa; ikaindan ti lay alablabas a panagliket tan say panagbuanges, ekalen ti met la ray mabanday a likeliket na laman, pankokolkol, tan paniimonan.

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

Judas 1:8

Ontan met, sarayan tila-tilan bumabangat, lapud saray kugkogip da, dodotakan da ray laman dan dili, balbalawen day pakayariy Dios, tan lemlemewen da ray gagalangen ya anghil.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

Santiago 2:7

Aliwa kasin sikaray mansasalitay maoges a sumpad gagalangen a ngaran a niiter ed sikayo?

1 Timoteo 1:20

Saray arum ed saraya et sikara di Himeneo tan Alejandro; sikara lay impalimak ed pakayari nen Satanas, pian nabangatan ira ya ag la ra mansalitay maoges sumpad Dios.

1 Timoteo 1:13

Anggaman a nansasalita ak na maoges sumpad sikato, pinapairap tan pinapasegsegang ko, siansian tinoro to ak a kumikimey to. Balet kinasian ak na Dios, ta ag ko amtay gagawaen ko nen aliwa ak nin mananisia.

TAGA GALACIA 5:26

Ag tayo nepeg so mampasirayew, mankokolkol, odino maniimonan.

TAGA GALACIA 5:20

panangigalang ed saray talintaoy diriyos, panaganito, pambobosulan, panlalaban, paniimonan, pampepetangay olo, pantatalonaan, pambabalingaan tan pansisiblangay grupo ed sakey a grupo,

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

Probirbio 19:19

No mapetang so olo na sakey a too, paolyan mod pansumpalan to. No agwaten mon maminsan ed gunigon, nakaukolan a gawaen mo lamet.

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

2 Pedro 2:7

Balet inyagel na Dios si Lot, sakey a toon matonung ya agunigon a maung lapud makapabaing iran gawgawa da ray totoon maoges.

TAGA-EFESO 4:25

Kanyan ag ki la mantitila, no ag ingen salita yoy katwaan ed agagi yo, ta kabyangan itayon amin na saksakey a laman.