COLOSAS 2:18 - Maung A Balita Biblia

¹⁸ Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

Maung a Balita Biblia

¹⁸ Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

COLOSAS 2:18 Referans Kwoze

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

1 Timoteo 1:7

Labay day magmaliw a bumabangat na Ganggan, anggaman ya ag da natatalusay ibabaga ra o anggan saray bengatla ya ibabangat dan mataletalek.

COLOSAS 2:23

No onona, singa maumaung tan mangiter na kaabigan so pangigagalang dad saray anghil, say tila-tilan panagpaabeba ra, tan panamairap dad laman da. Balet say katwaan to, ag ira makapatondad alablabas tan maoges a pilalek na laman.

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

Saray Taga Roma 1:25

Ibebeneg day katwaan a nipaakar ed Dios tan sasalatan da na tila. Igagalang tan panlilingkuran day pinalsa, aliwan say Manamalsa a nepeg a galangen ed ando lan ando! Amen.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Puyan 3:11

Magano lay isabik. Asikasom iray walad sika, pian anggapoy makasamsam ed koronam.

1 Juan 2:26

Susulaten ta kayo na nipaakar ed saray manasalin mangibalang ed sikayo.

FILIPOS 3:14

Kanyan papasiaen koy ombatik a damputen so panganggaan pian nagamuran koy tumang, say bilay a mansumpal ed tawen, a sikatoy anawagay Dios ed siak diad panamegley nen Cristo Jesus.

TAGA-EFESO 5:6

Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

1 CORINTO 8:1

Onya met so nibagak, nipaakar ed kakanen ya imbagat ed saray talintaoy diriyos. Amta tayon “walay pakaamta tayon amin.” Say pakaamta pagmaliwen ton mapaatagey so too; balet say aro mamabiskeg.

Daniel 11:38

Ingen pagalangan to so dios a mangyaagel na saray tirinsira. Mangibagat na balituk, pilak, alahas, tan arum ni ran mabmablin rigalo ed sakey a dios ya ag balut inggalang na saray lalaki to.

Ezekiel 13:3

Sikato ya so ibabaga na Katawan a Dios: “Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.

Saray Bilang 25:18

lapud maoges a ginawa rad sikayo nen pinalikdo da kayo dimad Peor, tan lapud kinen Cozbi a pinatey nen panaon na salot dimad Peor.”

Genesis 3:13

Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

COLOSAS 2:4

Ibabagak ya, pian ag kayo nibalang na anggan siopa, diad panamegley na makaayat a pananalita.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

1 CORINTO 13:4

Say aro maanos tan mapangasi; aliwan maimon, o mapasirayew, o mapaatagey;

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

1 CORINTO 4:18

Wala rad sikayoy mapaatagey, ta abaloan dan ag ak la onlad tan.

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Isaias 57:9

Popoyukan yoy laman yo na saray nandoroman pabalingit, insan kayo mangigalang ed dios a Moloc. Diad pananap yo na saray diriyos ya igalang yo, mangibabaki kayod ararawin pasen, ya anggan diad pasen a panaayaman da ray inaatey.

Say Libro nen Job 38:2

“Siopa kan manduaruwa ed kakabatan ko diad panamegley na saray andi-kakanaan a salitam?

Deuteronomio 29:29

“Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

1 CORINTO 4:6

Agagi, lapud sikayo, impasen kon alimbawa si Apolos tan siak, pian naaralan yoy kabaliksan na sayan balikas, “Ag yo pasosolukay nisulat.” Ag yo nepeg ya ipasirayew so sakey tan balawen so sananey.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da