COLOSAS 2:13 - Maung A Balita Biblia

¹³ Sikayo ran inatey lapud saray kasalanan yo, tan lapud Hintil kayo ya anggapod silong na Ganggan, say Dios so amilay ed sikayo a kaolup yoy Cristo; pinirdona to la ran amiy kasalanan tayo.

Maung a Balita Biblia

¹³ Sikayo ran inatey lapud saray kasalanan yo, tan lapud Hintil kayo ya anggapod silong na Ganggan, say Dios so amilay ed sikayo a kaolup yoy Cristo; pinirdona to la ran amiy kasalanan tayo.

COLOSAS 2:13 Referans Kwoze

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

Saray Taga Roma 8:11

No manayam ed sikayo so Ispiritu na Dios ya amaolid bilay ed kinen Jesus, say Dios ya amaolid Cristo so mangiter met na bilay ed saray ompatey a laman yo, diad panamegley na Ispiritu a manaayam ed sikayo.

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

TAGA-EFESO 2:11

Kanyan nunot yoy gendat a kipapasen yo: nianak kayon Hintil, tan saray Judio a tatawagen day sikaran dili ya asegat, (onung ed gagawaey totood saray laman da) et tatawagen da kayon ag atandaay segat.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 15:24

Ta inatey yan anak ko, balet mabilay la; abalang, balet nalmo la.’ Ginmapo sirin so panliliket da.

Saray Salmo 71:20

Initdan mo ak na saray amayamay a gunigon tan irirap, balet ipawil moy biskeg ko; ipaliis mo ak ed lobuk.

Santiago 2:26

Inatey so laman ya anggapoy ispiritu; ontan met ya inatey so pananisia ya anggapo ray gawa.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

1 CORINTO 15:45

Onung met na ibabagay Masanton Sulat, “Say onaan a too a si Adan et pinalsan initday bilay”; balet say kaonuran ya Adan say Ispiritu a mangiiter na bilay.

Saray Taga Roma 6:13

Ag yo met papaoleyad kasalanan iray kabyangay laman yo, pian ag ira nikanad panggaway kaogsan. Isaklang yo ingey bilay yod Dios, a singa totoon inatey a pinaolid bilay, tan iyabuloy yon ikanay Dios iray kabyangay laman yo ed panggaway kamaungan.

1 Juan 2:12

Susulaten ta kayo, anak, ta apirdona la ray kasalanan yo lapud ngaran-nen Cristo.

1 CORINTO 15:36

Ag ka makatalus! Ag ontuboy bokel ya isokit mod dalin, no ag ni ompatey.

Juan 5:21

Ta no panoy pamabilay na Ama ed saray inaatey, ontan met a pabilayen na Anak so siopaman a labay ton pabilayen.

Lucas 9:60

Inkuanen Jesus, “Paolyan mo la ray inaatey a mangipompon na inaatey da. Lakan mampulong na nipaakar ed Panariay Dios.”

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Saray Salmo 119:50

Anggan nen maniirap ak aligliwa ak, ta say sipan mo initdan to ak na bilay.

Saray Hebreo 6:1

Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

1 Timoteo 5:6

Balet say biin balo a mambibilay ed minumundon liket, inatey la anggaman a mabilay ni.

Saray Taga Roma 4:17

Onyay ibabagay Masanton Sulat: “Ginawa ta kan ama na amayamay a bansa.” Makana yan sipan ed arap na Dios a sinisia nen Abraham, say Dios a mamapabilay ed saray inaatey, tan mamapalesa ed saray anggapo diad panamegley na salita to.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Santiago 2:20

Labay mo nin paneknekan kod sika, makulang-kulang, ya andi-kakanaan so pananisian anggapoy katekep to ran gawa?

Santiago 2:17

Ontan met, inatey so pananisian anggapoy katekep to ran gawa.

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

Saray Salmo 32:1

Maliket iray totoon apirdona la ray kasusumlang da tan apaandi la ray kasalanan da.

COLOSAS 2:12

Ta nen abinyagan kayo, nipompon kayon kaiba nen Cristo tan inmoli kayod bilay a kaiba to, lapud pananisia yod pakayariy Dios, ya amaolid bilay ed Cristo.