COLOSAS 1:13 - Maung A Balita Biblia

¹³ Inlaban to itayon nanlapud kabilongetan tan inyalis to itayod panarian na inararo ton Anak.

Maung a Balita Biblia

¹³ Inlaban to itayon nanlapud kabilongetan tan inyalis to itayod panarian na inararo ton Anak.

COLOSAS 1:13 Referans Kwoze

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

TAGA-EFESO 6:12

Ta saray kalaban tayo et aliwa ran totoo, no ag ingen saray maoges ya ispiritual a pakayari ed mangatatawen a mundo, saray manoley, saray walay pakayari, tan saray panguloy mundo ed sayan ambilonget a panaon.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

TAGA-EFESO 4:18

tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

1 Juan 3:14

Amta tayon imbeneg ti lay patey tan wala ti lad bilay, ta inaro tayo ray agagi tayo. Siopamay ag mangaaro, wala ni ed patey.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

1 Juan 2:8

Bangbalet say ganggan ya isusulat kod sikayo et balo, tan anengneng so katwaan to ed Cristo tan ontan met ed sikayo. Ta nanaandi lay kabilongetan tan onsisindag lay petepeteg a silew.

2 Pedro 1:11

Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.

Lucas 13:24

“Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Juan 3:35

Inararoy Ama so Anak tan impalima tod sikatoy amin a bengatla.

Isaias 60:2

Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

2 CORINTO 11:14

Ag ya pankelawan, ta anggan si Satanas nayarian toy magmaliw a singa anghil na liwawa!

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).