Amos 9:7 - Maung A Balita Biblia

⁷ Say Katawan kuanto, “Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Maung a Balita Biblia

⁷ Say Katawan kuanto, Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Amos 9:7 Referans Kwoze

Jeremias 47:4

Sinmabi lay oras na paneral ed Filistia, say oras na pamatonda ed amin a nakdaan a tulong a manlapud Tiro tan Sidon. Siak, say Katawan, deralen ko ray Filisteo, amin da ray nanlapud saray gilig na Creta.

2 Saray Arari 16:9

Inmabubon si Tiglat-pileser ed kerew nen Acaz. Dinogpaan to tan saray sondalo to so Damasco, adakep da, pinatey day Ari Rezin, tan inawit dad Kir iray totoon adakep da.

Deuteronomio 2:23

Say dalin a gilig na dayat na Mediteraneo et nanayaman na saray totoon taga isla na Creta. Dineral da ray Avvim a totoon gendat a manaayam ed sayan pasen tan inala day amin a dalin da ya anggad baybay diad siudad na Gaza.)

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Amos 1:5

Gaygayen ko ray puirta na siudad na Damasco tan paekalen ko ray totoon manaayam ed Patar na Aven tan say manoley na Bet-eden. Naalan priso ed dalin na Kir iray totoon taga Siria.”

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Isaias 22:6

Sinmabin akakabayo iray sondalon taga bansa na Elam, tan sankaawit day pana. Saray sondalon taga Kir imparaan da ray samper da.

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

2 Saray Awaran 14:9

Walay taga Etiopia a manngaran na Zera a nilooban toy Juda tan akasabi ya anggad Maresa. Sakey milyon iray sondalo to tan talon lasus iray karwahi to.

2 Saray Awaran 14:12

Tinalo na Katawan iray taga Etiopia nen dinogpaan ira nen Asa tan saray sondalo na Juda. Batik iray taga Etiopia,