Amos 8:5 - Maung A Balita Biblia

⁵ Ibabaga yod sikayon dili, “Kapigan kasiy kasumpal na saray mablin agew, pian makalako kami lay trigo mi. Kapigan kasiy kasumpal na Agew na Panagpainawa, pian nayarian mi lay manlako lamet na trigo mi? Nasumpal la komun, pian makatubo kami lay dakel, nikana mi la ray masaol a sukatan, tan nilira mi ray simbangan pian napalikdo mi ray sumasaliw ed sikami.

Maung a Balita Biblia

⁵ Ibabaga yod sikayon dili, Kapigan kasiy kasumpal na saray mablin agew, pian makalako kami lay trigo mi. Kapigan kasiy kasumpal na Agew na Panagpainawa, pian nayarian mi lay manlako lamet na trigo mi? Nasumpal la komun, pian makatubo kami lay dakel, nikana mi la ray masaol a sukatan, tan nilira mi ray simbangan pian napalikdo mi ray sumasaliw ed sikami.

Amos 8:5 Referans Kwoze

Oseas 12:7

Say Katawan kuanto, “Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Levitico 19:36

Ikana yoy anggapoy saol a simbangan tan sukatan. Siak so Katawan a Dios yo, tan siak so angipaway ed sikayo manlapud Egipto.

Isaias 1:13

Andi-kakanaan so mangawit na saray bagat yo. Nanaingungotan ak lad balingit na insinson ibabagat yo. Ag ko la naanosan iray Balon Bulan a Pista yo, saray Agew na Panagpainawa yo, saray masanton panagtipon yo; nagmaliw iran andi-kakanaan lapud saray kasalanan yo.

Probirbio 20:23

Kabosul na Katawan iray mangikakana na masaol a simbangan tan sukatan.

Probirbio 16:11

Labay na Katawan a saray simbangan tan sukatan et anggapoy kasaolan tan anggapoy tilaan ed panaglako.

Probirbio 11:1

Kabosul na Katawan so masaol a simbangan, balet maliket ed dugan simbangan.

2 Saray Arari 4:23

“Akin et natay iyakar mod sikato?” tepet na samay asawa to. “Aliwan Agew na Panagpainawa natan tan aliwa met a Pista na Balon Bulan.” “Andi bali,” ebat to.

Saray Bilang 10:10

Ontan met diad saray agew a panliliket yo—diad saray Pista na Balon Bulan tan arum ni ran niganan pista—paknul yo ra yan trumpita no isaklang yo la ray bagat yon popoolan tan saray bagat a para kareenan. Diad satan tulongan ta kayo. Siak so Katawan a Dios yo.”

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

COLOSAS 2:16

Kanyan ag kayo papaoleyan ed siopaman a mangibaga no antoy nepeg yon kanen, inomen, pistaan ya agew o bulan, o ngilinan ya Agew na Panagpainawa.

Malakias 1:13

Ibabaga yo, ‘Onsasawa kami lad sarayan amin!’ Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Exodo 31:13

diad panamegley nen Moises, “Ngilinan yoy Agew a Panagpainawak, lapud sikatoy sakey a tanda ed siak tan sikayo, diad amin a panaon ya onsabi; sikato met so mangipanunot ed sikayo a siak a Katawan et ginawa ta kayon dilin totook.

1 Samuel 20:5

Inmebat si David, “Nabwas et Pistay Balon Bulan; nepeg a mirongo ak ed ari. Balet abuloyan mon onla ak ya onamut ed alog, anggad labi na kumatlon agew.

Zacarias 5:6

“Anto tan?” tepet ko. Inmebat, “Sakey a baskit ya iriritrato toy kasalanan na intiron dalin.”

Zacarias 5:8

Samay anghil kuanto, “Sayan bii iriritrato to so kaogsan.” Insan to intelmer ed baskit imay bii tan sinakuban to.

Oseas 12:8

‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’