Amos 7:7 - Maung A Balita Biblia

⁷ Walay sananey ya impasingayew na Katawan ed siak. Diad sayan pasingayew anengneng koy Katawan a manalalagey ed abay na padir a pinatawinan nen impaalagey, tan sankabembenan toy sakey a patawin.

Maung a Balita Biblia

⁷ Walay sananey ya impasingayew na Katawan ed siak. Diad sayan pasingayew anengneng koy Katawan a manalalagey ed abay na padir a pinatawinan nen impaalagey, tan sankabembenan toy sakey a patawin.

Amos 7:7 Referans Kwoze

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

Puyan 21:15

Samay anghil a nansalitad siak sankabembenan toy balituk a panagsukat a panukat toy siudad, saray puirta tan say padir to.

Puyan 11:1

Kasumpal to ya, naitdan ak na sakey a panagsukat a singa bastun, tan nibagad siak: “Alagey ka, tan sukat moy timplo na Dios tan say altar, tan bilang mo ray mangigagalang diman.

Ezekiel 40:3

Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Isaias 34:11

Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Amos 7:6

Inoman lamet na Katawan so kanunotan to, kanyan kuanto, “Ag met ya nagawa!”

Amos 7:8

Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.