Amos 7:5 - Maung A Balita Biblia

⁵ Insan inkuanko, “Patondam pa, Katawan a Dios! Panoy kilaban da ray totoom? Makapoy tan daiset iran tuloy!”

Maung a Balita Biblia

⁵ Insan inkuanko, Patondam pa, Katawan a Dios! Panoy kilaban da ray totoom? Makapoy tan daiset iran tuloy!

Amos 7:5 Referans Kwoze

Saray Salmo 85:4

Papawil mo kami pad sika, O Dios a manangilaban mi, tan tondaan mo pa lay ag mo pakaliliket ed sikami!

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Saray Bilang 14:19

Et natan, Katawan, onung na kabaleg na panangarom ya ag mangoman, pikasik ed sika a pirdonam pay kasalanan da ra yan totoo, a singa impamirdonam ed sikara nanlapu lad samay intaynan dad Egipto.”

Ezekiel 9:8

Legan a nagagawa so pampapatey, wadman ak a mambukbukor. Intiblak ko, insan ko ineyag, “Katawan a Dios, diad ontan lan pasnuk mod Jerusalem pateyen mon amin iray totoon atilak ed Israel?”