Amos 6:5 - Maung A Balita Biblia

⁵ Labalabay yoy manggawa na saray kanta a singa ginawa nen David, tan totogtogen yo ra ed saray arpa.

Maung a Balita Biblia

⁵ Labalabay yoy manggawa na saray kanta a singa ginawa nen David, tan totogtogen yo ra ed saray arpa.

Amos 6:5 Referans Kwoze

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Amos 5:23

Tondaan yo ray maingal a kanta yo; ag ko labay a dengelen iray togtog na saray arpa yo.

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Puyan 18:22

Ag lan balut narengel ed sika iray togtog na arpa, plauta, tan trumpita! Ag lan balut nanengneng ed sika iray marunong a gumagaway antokaman, tan ag lan balut narengel ed sika ray tanul na gilingan!

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Ecclesiastes 2:8

Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Walad siak ya amiy bibiin niamung na too.

1 Saray Awaran 23:5

Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

1 Saray Awaran 15:16

Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

Genesis 31:27

Akin et pinalikdo mo ak diad inyalis mon ag ko amta? No imbagam labat komun ed siak, pinasiput ta kan walay liket, kansion, tan togtog na saray arpa tan pandirita.

Ezekiel 26:13

Patondaen kon amin iray kansion mo, tan saray togtog na saray arpam.

2 Saray Awaran 29:26

a singa saray kagawaan na musika ya inkakana ra nen Ari David. Nanalagey met irad may papari a wala ray trumpita ra.