Amos 5:3 - Maung A Balita Biblia

³ Say Katawan a Dios kuanto, “Mangibabaki na sanlibon sondalo so sakey a siudad na Israel balet sansanlasus so ompapawil ed sikara; mangibabaki na sanlasus a sondalo so sananey a siudad balet samsamploray ompapawil ed sikara.”

Maung a Balita Biblia

³ Say Katawan a Dios kuanto, Mangibabaki na sanlibon sondalo so sakey a siudad na Israel balet sansanlasus so ompapawil ed sikara; mangibabaki na sanlasus a sondalo so sananey a siudad balet samsamploray ompapawil ed sikara.

Amos 5:3 Referans Kwoze

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Isaias 10:22

Anggaman a natan et singa karakel na buer ed dayat so karakel na totood Israel, dagdaiset ed sikara so ompawil. Akaparaan lay kaderal na saray totood Israel, tan nagawa ya onung ed katonungan.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.

Amos 6:9

No walay atilak a samploran lalaki ed sakey a pamilya, ompatey ira.

Saray Salmo 144:14

Ondakerakel komun iray anak na baka mi, anggapo komuy naekalan ed sikara. Anggapo komuy mannangis ed saray daladalan mi lapud segsegang!

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.