Amos 5:18 - Maung A Balita Biblia

¹⁸ Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Maung a Balita Biblia

¹⁸ Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Amos 5:18 Referans Kwoze

Joel 1:15

Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Isaias 5:30

No onsabi tan ya agew, singa kakasil na ungol na dayat so panungol dad Israel. Nengneng yo yan bansa! Kabilongetan tan kaermenan! Inakmun na bilonget so liwawa.

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

2 Pedro 3:4

Ikuanda, “Ag ta insipan nen Cristo ya ompawil? Kawalaan to ey? Inatey la ray atateng tayo, balet anggapo niy angomanay amin a bengatla nanlapud inkapalsay mundo!”

Ezekiel 12:27

“Sika a toon ompatey, dengel moy ibagak. Abaloan na saray Israelita a mabaybayag nin nasumpal iray pasingayew tan saray pasakbay mo.

Ezekiel 12:22

Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Jeremias 17:15

Saray totoo kuandad siak, “Iner so kawalaan na saray taktakot na Katawan sumpad sikami? Pagawam la ra natan ed sikato!”

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Isaias 8:22

odino onnengneng irad dalin, balet anggapoy arum a nanengneng da no ag say gunigon tan kabilongetan, say makapataktakot a kabilongetan ya akaibantakan da.

Isaias 13:6

Ingal kayod paniirap yo! Asingger lay agew na Katawan, say agew a pangyakar na Makapanyarin-amin na panagderal!

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Obadias 1:15

“Asingger lay agew a siak a Katawan et sintinsiaan ko ray amin a bansa. Edom, no antoy ginawam, ontan met so nagawad sika. No antoy intanem mo, sikatoy anien mo.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”