Amos 5:13 - Maung A Balita Biblia

¹³ Kanyan diad sarayan maoges a panaon maung lay ag oneseesel so too.

Maung a Balita Biblia

¹³ Kanyan diad sarayan maoges a panaon maung lay ag oneseesel so too.

Amos 5:13 Referans Kwoze

2 Timoteo 3:1

Tandaan mo ya! Diad kaonuran iran agew wala ray panaon na kairapan.

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Oseas 4:4

Say Katawan kuanto, “Anggapo komuy mangakusa ed saray totoo odino mamasnuk ed sikara—say dalem ko et sumpad sikayon papari.

Ecclesiastes 3:7

say panaon na pampilat tan say panaon na pandait, say panaon na panolimek tan say panaon na pansalita,

TAGA-EFESO 6:13

Kanyan isolung yo la ra natay armas na Dios! No onsabi lad satay agew a maoges, nayarian yon labanan iray kalaban yo, tan kasumpal na pilaban yo, mabiskeg ki nin manalalagey.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Amos 6:10

Say kanayon na too a sikatoy makaoley ed tolur et ipaway tod abung so bangkay. Samay kanayon ontawag ed siopaman ya atilak ed abung, “Wala nid tay atilak a kaibam?” Say too onebat, “Anggapo!” Insan samay kanayon kuanto, “Ag ka maknul! Nepeg tayoy manalwar; ag tayo nepeg a bitlaey anggan ngaran na Katawan.”

Isaias 37:3

Saya so impaikuantod kinen Isaias: “Agew natan na kairapan; nadudusa tan nipepelag itayod kababaingan. Singa itayo biin asabi lay pananak to, balet ta makapkapoy a mangipaway na ogaw.

Isaias 36:21

Ag inmeseesel iray totoo, onung na ingganggan ed sikara nen Ari Ezekias; ag met ira anggan inmebat.

Ecclesiastes 9:12

Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

2 Saray Arari 18:36

Ag inmeseesel iray totoo, onung na ingganggan ed sikara nen Ari Ezekias; ag met ira anggan inmebat.

Say Libro nen Job 32:16

Manalagar ak ni, anta ag la ra makaesel? Manalalagey ira ya anggapo lay nibaga ra.

Saray Salmo 38:14

Singa ak toon ag makadngel, kanyan ag ak makaebat.