Amos 5:1 - Maung A Balita Biblia

¹ Dengel kayo, sikayon totood Israel, ed sayan kantan para tolur a kantaen kod sikayo:

Maung a Balita Biblia

¹ Dengel kayo, sikayon totood Israel, ed sayan kantan para tolur a kantaen kod sikayo:

Amos 5:1 Referans Kwoze

Ezekiel 19:1

Imbagad siak na Dios a kantaen ko yan maermen a kanta a para saray duaran prinsipi na Israel:

Jeremias 9:17

Say Katawan a Makapanyarin-amin kuanto, “Imano yo ray nagagawa! Tawag yo ray managermen, saray bibiin kumakanta no tolur.”

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 7:29

“Manermen kayo, sikayo ran totood Jerusalem; potut yoy buek yo, insan yo ibantak. Manogtog kayod toktok na kapok-dulan na makapaermen, ta siak, say Katawan, impolisay tan inkaindan ko ra yan totoo a pamapasnukan ko.

Mikias 2:4

No onsabiy tan a panaon, tongtongen na saray totoo a sakey ya alimbawa so inkaderal yo tan kantaen da yan kanta na ermen a nipaakar ed inkagawa yo: Sigput kamin aderal! Inala na Katawan so dalin mi Tan inter tod saray anakep ed sikami.”

Amos 5:16

Kanyan say Katawan a Dios a Makapanyarin-amin kuanto, “Walay nagawan panaagugolan tan panaakisan ed saray dalan. Anggan saray dumaralus natawag iran milamay a kaiba da ray inupaan a milamay.

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 3:1

Totood Israel, dengel yo yay sinalita na Katawan nipaakar ed sikayo, amin yon totood bansa ya impaway to ed Egipto:

Ezekiel 32:16

Magmaliw a kantan para tolur iyan makapaermen a pasakbay. Kantaen ya na saray bibii ed saray bansa diad panermen dad Egipto tan amin da ray totoo to. Siak a Katawan a Dios so nansalita.”

Ezekiel 32:2

Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Ezekiel 28:12

Inkuanto, “Sika a toon ompatey, manermen ka lapud makapasinagem a nagawad ari na Tiro. Ibagam ed sikato so ibabagak, siak a Katawan a Dios: Sika nen saman so oliran na inkayadyari! Agay lay kakabatan tan kinaguapom nen saman!

Ezekiel 27:2

“Sika a toon ompatey, kantaan mo na para tolur so Tiro,

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.

Ezekiel 19:14

Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.”

Jeremias 18:13

Say Katawan kuanto, “Tepet mod balang bansa: Wala lay agawan singa onya nen saman? Nanggaway makapasinagem a bengatla iray totood Israel!

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, ‘Diad ngaran na dios na Dan,’ odino ‘Diad ngaran na dios na Beer-seba.’”