Amos 4:6 - Maung A Balita Biblia

⁶ “Siak so angipadalan na eras ed saray siudad yo, balet ag kayo pinmawil ed siak.

Maung a Balita Biblia

⁶ Siak so angipadalan na eras ed saray siudad yo, balet ag kayo pinmawil ed siak.

Amos 4:6 Referans Kwoze

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Puyan 2:21

Initdan koy panaon a mampatauli, balet ag to labay ya ikbanay pankakasalanan toy inmoralidad.

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 3:1

Natan say Katawan a Makapanyarin-amin a Katawan et ngalngali to la ekalen ed Jerusalem tan Juda iray amin a panmamatalkan na saray totoo. Ekalen toy tagano ra tan say danum da,

2 Saray Awaran 28:22

Nen mapalalo lay segsegang nen Acaz, inaruman to niy ginawa ton kasalanan ed Katawan.

2 Saray Arari 8:1

Inkuanen Eliseo ed samay biin taga Sunem, a say anak ton laki et pinabilay to, “Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.”

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

1 Saray Arari 18:2

Linma sirin si Elias. Mapalalo lan tuloy natan so eras ed Samaria,

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Deuteronomio 28:38

“Mangipasek kayo na dakel ya ilik, balet dagdaiset so naani yo, lapud oputen na dorun.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Joel 1:16

Legan a nadederal iray tanaman mid kaalogan mambanbantay kami labat ya anggapoy nagawaan. Anggapo lay liket ed Timplo na Dios tayo.

Levitico 26:23

“No kayari na sayan dusa et siansian ag yo ak ni dengelen, no ag ingen ituloy yo niy isusumlang ed siak,

Ruth 1:1

Nen saman a panaon, nen say huis so manooley ed Israel, dinmalan so eras ed intiron bansa. Kanyan walay sakey a lakin taga Betlehem, a sakop na Juda a linman akiayam ed bansa na Moab. Kaiba toy asawa to tan saray duaran anak ton lalaki.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.