Amos 4:1 - Maung A Balita Biblia

¹ Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Maung a Balita Biblia

¹ Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 4:1 Referans Kwoze

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Ezekiel 39:18

Nepeg a mangan ira na laman na saray sondalo tan oninom na dala da ray manoley ed tapew na dalin, a napatey iran amin a singa karniron kalakyan odino kordiro odino kanding, odino mataban bakan kalakyan.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Joel 3:3

Nampapalaranan ira no siopay mangalad saray adakep. Inlalako ran aripen iray ogogaw a lalaki tan bibii, pian walay nibayar dad saray marotak a bibii tan walay nisaliw day alak.

Ezekiel 22:29

Saramay mamayaman mansasaol tan mantatakew ira. Papairapen da ray mairap-bilay tan sasaolen da ray sangkaili.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 22:7

Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Jeremias 50:27

Patey yo ray amin a sondalo ra! Patas yo ra! Pangaskasiyan iray taga Babilonia! Sinmabi lay panaon na panusad sikara!” (

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Saray Salmo 140:12

Kabat ko, Katawan, ya itatalindeg moy katonungan da ray mairap-bilay, tan saray walad pankaukolan.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Say Libro nen Job 20:19

lapud pinapairap tan inkakaindan to ray mairap-bilay, tan sinasamsam to ray abung ya impapaalagey na saray arum a totoo.

1 Saray Arari 16:24

insan to sinaliw na anem a libon pilak ed toon manngaran na Semer so pokdul na Samaria. Pinadir nen Omri imay pokdul, amaalagey na sakey a baley diman, insan to inngaran na Samaria, say ngaran ya inaon ed Semer ya akankien nen saman ed samay pokdul.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Deuteronomio 24:14

“Ag yo sasaolen so mairap-bilay tan walad pankaukolan a miuupan aripen, kapara yo man ya Israelita odino sangkailin manaayam ed sakey ed saray baley yo.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Saray Bilang 21:33

Insan sinmipa ray Israelita tan amaarap ira ed Basan, balet pinmaway si Ari Og na Basan tan saray sondalo to et dinogpaan da ra ed Edrei.

Say Libro nen Job 24:4

Ekalan da ray mairap-bilay na saray kanepegan; pasooten dan ombatik tan onamut iray walad pankaukolan.

Probirbio 22:7

Aripen na toon mayaman iray mairap-bilay. Miutang ka, et aripen kay akautangan mo.

Isaias 28:1

Pangaskasiyan so nanarian na Israel! Onkukupas so kagalangan to a singa koronan rosas ya akatoon ed olo da ray abuek a pangulo to. Dugad pabalingit iray kaoloan da, balet kidokul-dokul ira lapud mapalalon inkabuek da.

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Ezekiel 34:16

“Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.

Amos 3:1

Totood Israel, dengel yo yay sinalita na Katawan nipaakar ed sikayo, amin yon totood bansa ya impaway to ed Egipto:

Amos 3:3

Makapambiahi kasin mambansag so duaran too no ag ni ra akapampaknan mambana ed sakey a pasen?