Amos 3:9 - Maung A Balita Biblia

⁹ Ibawag mod saray manaayam ed saray palasiod Egipto tan Asdod: “Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.”

Maung a Balita Biblia

⁹ Ibawag mod saray manaayam ed saray palasiod Egipto tan Asdod: Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.

Amos 3:9 Referans Kwoze

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Amos 1:8

Ekalen kod pakaoley iray manoley ed saray siudad na Asdod tan Askelon. Dusaen koy siudad na Ekron, tan ompatey ya amin iray Filisteo ya atilak.”

Amos 8:6

Makalako kami met la na mablin trigo, anggaman ya andi-kana la ra. Mananap kami na toon mairap-bilay ya ag to nabayaray utang ton anggan say bili labat na sankaparis a sandalya, insan mi la saliwaen ya aripen.”

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 31:5

Taneman yo lamet iray kaubasan ed toktok na kapokdulan na Samaria, tan saray mantanem kanen da ray bungay kaubasan.

1 Samuel 5:1

Kayarin asamsam na saray Filisteo so Kaban na Sipanan na Dios, manlapud Ebenezer inyakar dad siudad dan Asdod.

Ezekiel 37:22

Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.

Ezekiel 36:8

Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

2 Samuel 1:20

Ag yo ya ibabalita ed Gat odino diad saray dalan na Askelon. Ag yo panliliketen iray bibiin taga Filistia; ag yo panggagayagaen iray bibiin anak na saray pagano.

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Probirbio 1:13

Makarumog tayoy mabmabli ran bengatla, tan panoen tayo ray kaabugan tayo na saray asamsam!

Probirbio 11:16

Napapagalangan so biin masimpit, balet mangiiter na kabaingan so biin maoges. Ag nawalaay kuarta so toon mangiras, balet onyaman so toon makoli.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Amos 6:3

Ag yo birbiren ya onsasabi so agew na deral, balet say gagawaen yo papaganoen yoy isabi na saman ya agew.

Mikias 6:10

Saray kaabungan da ray totoon maoges et wala ray kayamanan a tinitipon da, lapud panagsaol da. Ikakana ray masaol a simbangan, say kagagawan kabosul ko.