Amos 3:2 - Maung A Balita Biblia

² “Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Maung a Balita Biblia

² Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.

Amos 3:2 Referans Kwoze

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?

Deuteronomio 10:15

Balet balbaleg so panangaro na Katawan ed saray lalaki yo kanyan pinili to kayo, aliwan saray arum a totoo, tan sikayo ni ya anggad natan iray apilin totoo to.

Saray Taga Roma 2:9

Manliknay kairapan tan nagunigon ya amin iray totoon manggaway kaogsan, onona, saray Judio tan ontan met na saray Hintil.

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 11:22

Kanyan inkuan na Katawan a Makapanyarin-amin, “Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Jeremias 9:25

Say Katawan kuanto, “Onsabiy panaon a dusaen ko ray totood Egipto, Juda, Edom, Ammon, Moab, tan amin a manaayam ed kalawakan a pinoputotan da ray buek da. Asegat ira yan amin a totoo, balet ag da tinoor so siopaman ya ipapamorya na segat. Amin da ra yan totoo tan amin a totood Israel et ag da sinumpal so impisipanan kod sikara.”

Jeremias 1:15

lapud tatawagen kon ondago ray amin a bansa ed baybay. Saray arari ra ilira ray trono ra diad saray puirta na Jerusalem tan diad kaliber-liber na saray arum a siudad na Juda.

Isaias 63:19

Ipapasen mon singa ag mo kami inoleyan a balut, singa ag kamin balut totoom.

Saray Salmo 147:19

Ibabaga tod saray totoo to so salita to; ipapaamta tod Israel iray bilin tan ganggan to.

Deuteronomio 26:18

Natad sayan agew say Katawan inawat to kayo a dilin totoo to onung na insipan to; tan ingganggan to kayon onuren yo ray amin a ganggan to.

Genesis 10:32

Si Noe so sengeg na amin da ra yan totoo, a walay bansa ra tan kailalakan da. Kasumpal na delap, saray anak nen Noe so sengeg na amin a totood balang bansa ed tapew na dalin.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Nahum 3:4

Nadudusa la so Ninive ya aliling toy marotak a bii. Makaay-ayat tan makapatey so ganggana to, kanyan pinalikdo to ray bansa tan inaripen to ra.

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Deuteronomio 32:9

balet pinili ton para sikaton dili iray kabyangay boleg nen Jacob.

1 CORINTO 8:3

Balet kabat na Dios so toon mangaarod sikato.

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Ezekiel 5:9

Lapud ginawam iray bengatlan kabosul ko, iter kod Jerusalem so dusan ag ko nin balut inter nen saman tan ag ko lan balut gawaen.

Oseas 5:3

Amtak so kapara na Israel—ag to ak naboryan. Aliwan matoor ed siak so Israel, tan saray totoo to et marotak ira, kanyan aliwa ran manepeg a mangigalang ed siak.”

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Amos 3:3

Makapambiahi kasin mambansag so duaran too no ag ni ra akapampaknan mambana ed sakey a pasen?

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”