Amos 2:9 - Maung A Balita Biblia

⁹ “Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.

Maung a Balita Biblia

⁹ Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.

Amos 2:9 Referans Kwoze

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Say Libro nen Job 18:16

Amagaan iray lamut to tan nalnes iray sanga to.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

Ezekiel 17:9

“Kanyan siak a Katawan a Dios tetepeten ko: Mambilay tan ombaleg kasi yan sengeg na ubas? Ag kasi lamuten na samay ononan agila tan pagpagen to ray bunga to, tan lopak-lopaken to ray sanga to tan paolyan to ran nalenes? Ag la nakaukolan so mapalalon biskeg o makapanyarin bansa a mamagut ed sikato.

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 10:33

Say Katawan a Makapanyarin-amin biglan ipelag to ran singa sangay kiew a pinupo. Natipas tan napaabeba iray sankamapaatagey tan sankatageyan na kipapasen ed sikara.

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

1 Saray Awaran 1:14

Si Canaan so sengeg na saray Jebuseo, Amorreo, Gergeseo,