Amos 2:5 - Maung A Balita Biblia

⁵ Lapud saya mangyakar ak na apoy ed Juda tan poolan ko ray tirinsira na Jerusalem.”

Maung a Balita Biblia

⁵ Lapud saya mangyakar ak na apoy ed Juda tan poolan ko ray tirinsira na Jerusalem.

Amos 2:5 Referans Kwoze

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 21:10

Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.”

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

Amos 3:11

Lapud saya liktuben na kalaban so dalin da, deralen da ray tirinsira ra, tan samsaman da ray ankakabaleg a kaabungan da.”

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Amos 1:4

Kanyan mangyakar ak na apoy ed palasion impaalagey nen Ari Hazael tan poolan ko ray tirinsira nen Ari Benhadad.