Amos 2:10 - Maung A Balita Biblia

¹⁰ Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Maung a Balita Biblia

¹⁰ Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Amos 2:10 Referans Kwoze

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Amos 3:1

Totood Israel, dengel yo yay sinalita na Katawan nipaakar ed sikayo, amin yon totood bansa ya impaway to ed Egipto:

Saray Gawgawa 13:18

tan inanosan to rad kalawakan ya apataploy taon.

Saray Gawgawa 7:42

Lapud sayan ginawa ra, imbeneg iray Dios tan pinaolyan to ran mangigalang ed saray bitewen ed tawen, onung na nisulat ed libro da ray propita: ‘Totood Israel, aliwan siak so angisaklangan yod saray pinapatey tan imbabagat yon ayayep legan yon walad kalawakan ed loob na apataploy taon.

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Amos 9:7

Say Katawan kuanto, “Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Ezekiel 20:10

“Kanyan impaway ko ra ed Egipto tan inyakar ko ra ed kalawakan.

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Nehemias 9:21

Diad apataploy taon ya impanayam dad kalawakan initdan mo ray amin a nakaukolan da; ag balut dinmaan so kawes da, tan ag linmarag ed sakit so sali ra.

Deuteronomio 1:39

“Insan inkuan na Katawan ed sikatayon amin, ‘Saray ogogaw nin anak yo ya ag da amtay maung tan maoges so makaloob ed dalin—saray anak yon ibabaga yon singkaten ira na saray kalaban yo. Iter kod sikara so dalin, tan panayaman da.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Saray Bilang 21:25

Kanyan saray totood Israel adakep da ray amin a siudad na saray Amorreo, pati say Hesbon tan amin a kaliber-liber ton baley, insan da ra nanaayaman.

Josue 13:4

Sasakopen ni ray intiron dalin na saray Cananeo, tan say Meara (a kayaryan na saray Sidoneo), ya anggad Afek, diad ketegan da ray Amorreo;

Saray Bilang 13:32

Kanyan inwakawak dad saray Israelita so tilatilan balita a nipaakar ed samay dalin a ninengneng da. Inkuanda, “Saman a dalin a nila mi et ag napangalaan na magenap a pantagano na anggan saray totoon manaayam diman. Atatagey iray totoon anengneng mid man,

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Josue 24:8

Insan ta kayo inyakar ed dalin na saray Amorreo a manaayam irad bokig na Jordan. Nilabanan da kayo balet impanalo ta kayod sikara. Inala yoy dalin da, tan pinapatey ko ra legan na pankukurang yo.

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.