Amos 1:7 - Maung A Balita Biblia

⁷ Kanyan mangyakar ak na apoy ed saray padir na siudad na Gaza tan poolan ko ray tirinsira to.

Maung a Balita Biblia

⁷ Kanyan mangyakar ak na apoy ed saray padir na siudad na Gaza tan poolan ko ray tirinsira to.

Amos 1:7 Referans Kwoze

Sofonias 2:4

Anggapoy nakeraan ed siudad na Gaza. Nataynan so Ascalon. Napataynan a kapalduay agew iray taga Asdod, tan napataynan ed siudad da iray taga Ekron.

Jeremias 47:1

Kasakbayan a dinogpaan na ari na Egipto so Gaza, akisalitay Katawan ed siak nipaakar ed saray Filisteo.

2 Saray Arari 18:8

Tinalo to ray Filisteo tan nilooban ton amin iray kawalaan da manlapud sankamelagan a bario ya anggad sankabalgan a siudad, pati say Gaza tan saray kaliber-liber to ran lugar.

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Amos 1:4

Kanyan mangyakar ak na apoy ed palasion impaalagey nen Ari Hazael tan poolan ko ray tirinsira nen Ari Benhadad.

2 Saray Awaran 26:6

Akibakal si Uzias ed saray Filisteo. Inggeba to ray padir na saray siudad na Gat, Jabnia, tan Asdod, tan nampapaalagey na saray aliber na padir a siudad diad asingger ed Asdod tan saray arum a pasen ed Filistia.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Ezekiel 30:8

No poolan koy Egipto tan napatey iray amin a manangyagel to, naamtaan da a siak so Katawan.

Ezekiel 39:6

Mangigapo ak na pool ed dalin na Magog tan diad amin a pasen ed gilig na dayat ya ag nasisigensigen ed pambibilay iray totoon manaayam, et naamtaan na balang sakey a siak so Katawan.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.

Amos 1:8

Ekalen kod pakaoley iray manoley ed saray siudad na Asdod tan Askelon. Dusaen koy siudad na Ekron, tan ompatey ya amin iray Filisteo ya atilak.”