Amos 1:13 - Maung A Balita Biblia

¹³ Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Maung a Balita Biblia

¹³ Say Katawan kuanto, Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 1:13 Referans Kwoze

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Ezekiel 35:10

“Imbagam a kayaryan mo ra may duaran bansa, say Juda tan say Israel, tan saray dalin da, tan sakopen mo ra, anggaman a siak a Katawan so Dios da.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Ezekiel 21:28

“Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

2 Saray Awaran 20:10

“Natan, dinogpaan kami na saray totood Ammon, Moab, tan Edom. Nen pinmaway ed Egipto iray lalaki mi, ag mo inabuloyan a looban da ra man a dalin, kanyan sinmaliberber ira tan ag da ra dineral.

2 Saray Awaran 20:1

Ag abayag saray sondalo na Moab tan Ammon, pati saray kagampi ran Meunita, et nilooban day Juda.

2 Saray Arari 24:2

Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

Deuteronomio 2:19

Asingger kayo lad satan ed dalin da ray Ammonita, saray kabyangay boleg nen Lot. Ag yo ra gugunigonen; ag yo igagapoy mibakal ed sikara, lapud ag ta kayon balut itdan na parti na dalin ya inter ko lad sikara.’” (

Saray Salmo 83:7

saray taga Gebal, Ammon, tan Amalec; saray taga Filistia tan Tiro.

2 Saray Arari 15:16

Nen manlapud Tirsa si Menahem, sigput ton dineral so siudad na Tapua, saray manaayam diman, tan saray kaliber-liber ton lugar, ta ag sinmukod sikato yan siudad. Binubutyakan to ni ingen iray amin a malokun.

2 Samuel 12:31

tan impankikimey to ray totood man diad panamegley na saray ligari, buka, balatyang, tan wasay a balatyang. Pinapasoot to ran impanggagaway ankakabaleg a laryo. Onya met so ginagawa tod saray totood arum a baley na Ammon. Insan pinmawil ed Jerusalem a kaiba to ray totoo to.

2 Saray Arari 8:12

“Akin et manakis ka?” tepet nen Hazael. Inmebat si Eliseo, “Lapud amtak so gawaen mon kaogsan ed saray totood Israel. Poolan mo ray tirinsira ra, pateyen mod panamegley na ispada ray babalolaki ra, ibakbak mod dalin ya anggad ompatey iray anak da, tan butyakan mo ray malokun da.”

Ezekiel 25:1

Say Katawan akisalitad siak.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.