Aggeo 1:2 - Maung A Balita Biblia

² Say Katawan a Makapanyarin-amin inkuantod kinen Aggeo, “Ibabaga na sarayan totoo ya aliwan sikato ya niy manepeg a panaon a pamaalagey lamet ed Timplo.”

Maung a Balita Biblia

² Say Katawan a Makapanyarin-amin inkuantod kinen Aggeo, Ibabaga na sarayan totoo ya aliwan sikato ya niy manepeg a panaon a pamaalagey lamet ed Timplo.

Aggeo 1:2 Referans Kwoze

Esdras 4:23

Kapangibasad sayan sulat a nanlapud Ari Artajerjes ed arap di Rehum, Simsai, tan saray kakaiba ra, nangganat iran linmad Jerusalem, tan pinasoot dan pinatonda ray Judio ed pamapaalagey da lamet na siudad.

Nehemias 4:10

Kinakanta na saray taga Juda yan kanta: “Onkakapoy kamid pansasakbat na ambelat; Dakerakel a maung iray deral-deral ya ekalen. Panon min ipaalagey natan so padir?”

Ecclesiastes 11:4

Say toon manalagar na maung a siplug na dagem tan maung a panaon et anggapoy nitanem ton antokaman a tanaman tan anggapon balut so naani to.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Saray Bilang 13:31

Balet saramay linman kaiba nen Caleb kuanda, “Andi, ag tayo ra man nasarag a totoo; mabiskeg ni ra nen say sikatayo.”

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Probirbio 22:13

Say toon mangiras manaayam ed abung; ibabaraan to ya ompan pateyen na lion no ompaway.

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Aggeo 1:3

Insan inkuan na Katawan ed saray totoo diad panamegley nen propita Aggeo,

2 Saray Arari 12:7

Kanyan tinawag toy Joiada tan saray arum a papari tan tinepet tod sikara, “Akin et ag yo aapigeren so Timplo? Manlapud natan aliwa lan sikayoy mangisinup na kuartan awaten yo; nepeg yo lan ipalima, pian napaapiger so Timplo.”

Ecclesiastes 3:3

Say panaon na pampatey tay say panaon na pampaabig, say panaon na pangigeba tan say panaon na pamaalagey.