2 Timoteo 2:7 - Maung A Balita Biblia

⁷ Dalepdep mo ray ibabagak ed sika, ta ipatalus na Katawan ira yan amin ed sika.

Maung a Balita Biblia

⁷ Dalepdep mo ray ibabagak ed sika, ta ipatalus na Katawan ira yan amin ed sika.

2 Timoteo 2:7 Referans Kwoze

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Lucas 24:45

Insan nilokasan toy muling da, pian natalusan day Masanton Sulat.

Juan 14:26

Balet say Mananulong, a salanti say Ispiritu Santo ya ibaki na Ama diad ngaran ko, ibangat tod sikayoy amin a bengatla tan ipanunot to ray amin ya imbabagak ed sikayo.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

1 Timoteo 4:15

Gawam tan isaklang mod saraya so bilay mo, pian nanengneng na amin so iyaaligwas mod pananisia.

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

Juan 16:13

No onsabiy Ispiritu na katwaan, iwanwan to kayon mangamta ed amin a katwaan, ta ag mansalitan manlapud sikaton dili. Ingen, salitaen tod sikayoy nadngel to tan ibaga to ray bengatlan onsabi.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

Saray Hebreo 12:3

Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Saray Hebreo 7:4

Nanengneng yo, sirin, so ontan lan katalonggaring nen Melkisedek! Inter ed sikato nen Abraham a patriarka so kakaplo na sinamsam tod impibakal to.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

1 CORINTO 12:8

Iiter na Ispiritu ed sakey a too so pakayarin mangipulong na salitay Dios, tan diad sananey a too say pakayarin mantalus na salitay Dios.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Isaias 28:26

Amta ton gawaen iray kimey to, ta say Dios so angibangat ed sikato.

Probirbio 24:32

Ninengneng ko ya, dinalepdep ko, tan saya so naaralan ko:

Saray Salmo 119:125

Aripen mo ak; itdan mo ak pay pakatalus, pian naamtaan ko ray bangat mo.

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Saray Salmo 119:144

Lawas a matonung iray bilibilin mo; itdan mo ak pay pakatalus, et mambilay ak.

Saray Salmo 119:73

Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Saray Salmo 64:9

Ontakot iran amin; dalepdepen da ray ginagawa na Dios, tan salitaen da ray gawgawa to.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

1 Saray Awaran 22:12

Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 4:39

Kanyan natan tandaan yo tan ag yon balut lilingwanan a say Katawan et Dios ed tawen tan diad dalin. Anggapoy arum a dios.

Santiago 3:15

Ag nanlapud Dios yan kakabatan, no ag ingen minumundo, aliwan maispiritu tan dinidimonyo.

Lucas 9:44

“Ag yo lilingwanay ibagak ed sikayo natan! Say Anak na Too nipalima ed pakayariy totoo.”

Isaias 1:3

Amta na saray baka iray akankaryan ed sikara, tan amta na saray asno no iner so pamapakanan ed sikara na amo ra. Balet ag ak amta o natalusan na saray totook ya Israelita.”

2 Timoteo 2:6

Say dumaralus a nansagput so walay kanepegan a mangalay onaan ya apag ed ani.

2 Timoteo 2:8

Nunot moy Jesu-Cristo a pinaolid bilay tan nanlapud boleg nen David, onung na ibabagay Maung a Balitan ipupulong ko.