2 Timoteo 2:12 - Maung A Balita Biblia

¹² No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Maung a Balita Biblia

¹² No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

2 Timoteo 2:12 Referans Kwoze

Saray Taga Roma 8:17

Et natan ta anak itayo lay Dios, mananawir ti la na Dios tan kaiba tin mananawir si Cristo. Ta no minabang itayod kairapan to, minabang itayo met ed kagalangan to.

Mateo 10:33

Balet siopamay mangiborid siak ed arap na totoo, iborik met ed arap na Amak ed tawen.”

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 20:6

Maliket tan abindisionan iray akapinabang ed sayan onaan ya inkiolid bilay. Anggapoy pakayarid sikara na kumadwan patey. Magmaliw iran papari na Dios tan Cristo, tan manoley iran kaiba to ed loob na sanliboy taon.

Lucas 12:9

Balet siopamay mangiborid siak ed arap na totoo, ibori met na Anak na Too diad arap da ray anghil na Dios.

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”

Lucas 9:26

Siopamay mangibaing ed siak tan saray salitak, sikato met so ibaing na Anak na Too, no onla dian ompawil a kataruk toy kagalangay Ama, tan kaiba to ray masanton anghil.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

FILIPOS 1:28

Ag yo tatakotan iray onlalaban ed sikayo, ta sikato yay pakanengnengan a nadusa ra, balet nilaban kayo, lapud say Dios so mangiiter na kilalaban yo.

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Mateo 26:35

Balet inmebat si Pedro, “Ag kon balut ibagan ag ta ka kabat, anggan kaiba ta kan pateyen da!” Onya met so imbaga na amin da ray arum a disipulo.

Puyan 3:8

Amtak so gagawaen mo; amtak a melag so pakayarim, balet inonur moy bangat ko tan matoor kad siak. Kanyan nilokasan koy puirta ed arap mo, tan anggapoy makapangikaput.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Marcos 10:33

Inkuantod sikara, “Oonla itayod Jerusalem a diman niawat so Anak na Too ed lima da ray manonan papari tan saray iskriba. Sintinsiaan da a pateyen, insan da ipalima ed saray Hintil.

Mateo 26:75

Insan anunotan nen Pedro may sinalita nen Jesus ed sikato, “Kasakbayay ikukaok na lalung, ibori mo ak a mamitlo.” Pinmaway si Pedro tan inmakis na ampaipait.

Puyan 1:6

Ginawa to tayo met a sakey a panarian tan impagmaliw to tayon papari a manlingkur ed Dios tan Ama to. Say galang tan pakayari so wala ya anggad angga ed Jesu-Cristo! Amen.

Lucas 22:29

Initdan ak na Amak na pakayarin manoley,

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.”

Saray Taga Roma 5:17

No lapud kasalanay sakey a too et nanoley so patey, lalon baleg so nagamuran ed ginawa na sakey a too a si Jesu-Cristo! Amin a mangawat na ag nasabsabaan a panangaro tan rigaloy Dios nipaakar ed pakapaandi na kasalanan, manoley irad bilay diad panamegley nen Cristo.

1 Timoteo 5:8

Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.